5.9 C
Dushanbe

Сафорати Русия дар Душанбе тартиби қабули мусофирон ба парвозҳои доимиро шарҳ дод

Сафорати Русия дар Тоҷикистон бори дигар дар саҳифаи фейсбукияш тартиби қабули мусофирон ба хатсайрҳои доимӣ ва чартерӣ аз Тоҷикистон ба Русияро шарҳ дод.

Ба навиштаи Сафорати Русия дар Тоҷикистон дар ҳоли ҳозир, парвозҳои муназзам байни Русия ва Тоҷикистон байни пойтахтҳои ду кишвар дар як ҳафта бо ду парвоз (яке барои UTair ва Somon Air) сурат мегирад.

Шаҳрвандони Тоҷикистон, ки мехоҳанд бо ин парвозҳои доимӣ ба Федератсияи Русия сафар кунанд, бояд бо худ хулосаи ташхиси тиббӣ (ба забони русӣ) дар бораи надоштани коронавирус дар асоси натиҷаҳои ташхиси ПЦР, ки на пештар аз се рӯз пеш аз вуруд ба Русия гузаронида шудааст, дошта бошанд.

Инчунин Сафорати Русия дар Тоҷикистон қайд кардааст, ки ҳамаи парвозҳои ҳавопаймоҳои дигари Русия, ки аз Тоҷикистон ба Русия парвоз мекунанд, аз ҷумла парвозҳои ширкати “Уралские авиалинии” чартерӣ мебошанд.

Шаҳрвандони Тоҷикистон тавассути ин парвозҳо танҳо дар ҳолати мавҷуд будани асосҳои иловагии пешбининамудаи Ҳукумати Русия аз 16 марти соли 2020 таҳти рақами 635-р метавонанд ба қаламрави Русия ворид шаванд.

Ин тартиб аз ҷониби мақомоти авиатсионии ду кишвар тасдиқ карда шудааст.

Ёдовар мешавем, баъд аз 1 соли қатъ шудани парвозҳо байни Русия ва Тоҷикисон он дубора аз 1-уми апрел барқарор карда шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.