32.9 C
Dushanbe

Санҷиши омодагии ҷангии низомиён дар Тоҷикистон

22-уми июл дар шаҳри Душанбе, маркази вилояти Хатлон ва дигар манотиқи кишвар санҷиши омодагии ҷангии Қувваҳои мусаллаҳи Тоҷикистон бо иштироки беш 200 ҳазор сарбозу афсар сурат гирифт.

Ба иттилои сомонаи президент, ин санҷиши омодагии низомиён, ки зери унвони “Марз-2021” баргузор шуд, дар таърихи истиқлоли кишвар бори аввал буда, дар он 100 ҳазор афсару сарбози Қувваҳои Мусаллаҳ, кормандони мақомоти ҳифзи ҳуқуқ ва 130 ҳазор афсару сарбози ҳайати захираҳои сафарбарӣ дар тамоми кишвар бо бонги хатар ҷамъ оварда шуда, омодабошии ҷангии онҳо санҷида шуд.

Гуфта мешавад, дар ин санҷиши омодагии сарбозони кишвар, ки таҳти унвони «Марз-2021» гузаронида шуд, 1023 техникаи зиреҳпӯши ҷангӣ, 3167 мошинҳои махсуси ҳарбӣ, 447 воситаи артиллерӣ ва миномёт, 234 воситаи мудофиаи зиддиҳавоӣ, 45 тайёраву чархболҳои ҷангиву нақлиётӣ дар самтҳои амалиётӣ ба минтақаҳои иҷрои вазифаи ҷангӣ бароварда шуданд.

Ин чорабинӣ бо иштироки худи Эмомалӣ Раҳмон ҳамчун Сарфармондеҳи Олии Қувваҳои мусаллаҳи ҷумҳурӣ, вазири мудофиа Шералӣ Мирзо ва дигар масъулони соҳаи низомӣ ва мақомоти ҳифзи ҳуқуқ баргузор гардид.

Эмомалӣ Раҳмон зимни суханронияш бештар ба нооромиҳои ахир дар кишвари ҳамсоя – Афғонистон ишора карда, вазъро дар он кишвар, ба хусус, минтақаҳои шимолии он, ки бо Тоҷикистон ҳамсарҳаданд, бениҳоят мушкилу мураккаб арзёбӣ кард.

Баъд аз оғози ноамниҳо дар Афғонистон ва зери тарсарруфи Толибон даромадани аксари манотиқи шимоли ин кишвар, мақомоти кишварҳои ҳамммарз бо он, ба хусус Тоҷикистонро сахт нигарон кардааст.

5-июли соли ҷорӣ Эмомалӣ Раҳмон пас аз нишаст дар Шӯрои Амнияти Тоҷикистон супориш дод, ки 20 ҳазор сарбоз дар марзи Тоҷикистон бо Афғонистон мустақар шаванд.

Эмомалӣ Раҳмон аз забткориҳои Толибон дар Афғонистон нигарон буда, борҳо аз кишварҳои узви СПАД кумак хоста буд. Ба хусус Маскав Раҳмонро итминон дода, ки омода аст ҳам дар доираи СПАД ва ҳам аз тарқи ҳамкориҳои дуҷониба Душанберо кумак кунад.

Тоҷикистон дар ҳоле нигаронии худро аз қудрат гирифтани нерӯҳои Таҳрики Толибони Афғонистон дар шимоли ин кишвар ба намоиш мегузорад, ки Толибон даъво доранд, ки тайи ду соли ахир дар Душанбе дафтари ғайрирасмии онҳо фаъолият мекунад.

Раиси Паймони миллии Тоҷикистон ҳам дар як суҳбати ахири худ дар посух ба суоле гуфт, заминаи пазироии мақомоти Маскав аз Толибон дар Душанбе сурат гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.