Агентии обу ҳавошиносии Тоҷикистон ҳушдор додааст, ки шурӯъ аз фардо бархе манотиқи кишварро дамои аз 38 то 43 дараҷа таҳти сифр интизор аст.
Имрӯз, 13-уми январи соли 2023 Агентии обу ҳавошиносии Тоҷикистон бо нашри як иттилоия хабар додааст, ки “рӯзҳои 14-18 январи соли ҷорӣ дар бештари ноҳияҳои водӣ-доманакӯҳии ҷумҳурӣ ҳарорати ҳаво шабона аз 17-220 то 12-170 хунук” мешавад.
Ба қавли манбаъ, дамои ҳаво дар бештари ноҳияҳои водӣ-доманкӯҳии ҷумҳурӣ “рӯзона 8-130 хунук, дар ноҳияҳои кӯҳӣ шабона 22-270 хунук, рӯзона 10-150 хунук”, мешавад.
Инчунин “дар шарқи Вилояти Мухтори Кӯҳистони Бадахшон шабона 38-430 хунук, рӯзона 27-320 хунук пешгӯӣ шуда, дар шоҳроҳҳои минтақаҳои кӯҳии ҷумҳурӣ яхбандӣ боқӣ мемонад.”
Гуфта мешавад, “рӯзҳои 14-16 январ дар нишебиҳои ҷанубӣ ва шимолии қаторкӯҳҳои Ҳисор, минтақаҳои кӯҳии Ноҳияҳои тобеъи ҷумҳурӣ ва дар баъзе ноҳияҳои ғарбии Вилояти Мухтори Кӯҳистони Бадахшон сар задани зуҳуроти тарма дар назар аст.”
