18.9 C
Dushanbe

Сарвазири Узбекистон, Абдулло Орипов ба Тоҷикистон омад

Сарвазири ҳамсоякишвари Узбекистон Абдулло Орипов зимни сафари расмӣ рӯзи 24 феврал ба Тоҷикистон ташриф овард.

Байни Сарвазири Узбекистон ва ҳамтои тоҷикаш Қоҳир Расулзода дар шаҳри Хуҷанд мулоқоту гуфтугӯ сурат гирифтааст.

Бино ба навиштаи хабаргузории ҳукуматии “Ховар”, дар мулоқоти тарафҳо масоили гуногун, аз ҷумла сиёсат, тиҷорату иқтисод, сармоягузорӣ, саноат, маориф ва илм, фарҳанг, содироту воридоти  маҳсулот, тандурустӣ, роҳи оҳан, гумрук, энергетика ва дигар бахшҳо мавриди баррасӣ қарор гирифтааст.

Гуфта мешавад, давоми соли гузашта ҳаҷми гардиши мол миёни ин ду кишвари ҳамсоя 333,8 миллион доллари америкоиро ташкил додааст, ки дар байни кишварҳое, ки бо Тоҷикистон мубодилаи молу маҳсулот доранд, Узбекистон дар ҷои сеюм меистад.

Ҳамчунин дар мулоқот зикр гардида, ки дар самти ҳамкориҳо миёни Тоҷикистону Узбекистон 29 созишномаву шартномаи нави ҳамкорӣ дар баррасӣ қарор дорад.

Сафари сарвазири Узбекистон дар ҳоле сурат мегирад, ки қарор аст аз 10 то 12 моҳи июни соли ҷорӣ президенти Узбекистон Шавкат Мирзиёев бо даъвати президенти Тоҷикистон Эмомалӣ Раҳмон бо сафари расмӣ ба Тоҷикистон ташриф биёрад.

Ёдовар мешавем, ки бори нахуст сафари расмии Шавкат Мирзиёев ба Тоҷикистон моҳи марти соли 2018 сурат гирифта буд, ки он ба нарм шудани муносибатҳои қаблан сардшудаи ду ҳамсоякишвар оварда расонд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.