-2.1 C
Dushanbe

Шаҳрванди Тоҷикистон як ронандаи таксиро дар Варшава парронд

Бино ба гузориши “Аздо тв” ба нақл аз телевизиони “TVP.info“-и Лаҳистон як марде савори таксие шуда ва аз пушти сандалӣ ба ронандаи таксӣ тир холӣ кардааст.

Ин мошини таксӣ дар кӯчаи Пулавскаи шаҳри Варшава дар ҳоли тавақуф будаст. Қурбонии ин ҳамла ба бемористон мунтақил шуда ва ҷустӯ барои пайдо кардани ҳамлагар идома дорад, омадааст дар раоснаҳои лаҳистонӣ.

Ивона Киёвска сухангӯи пулиси мантақаи 2-и Варшва ин ҳодисаро чунин шарҳ додааст:

“Ин ҳодиса шаби душанбе соати 23:30 дар кӯчаи Пулавскаи шаҳри Варшава рух дод, мусофир баъди савори “BOLT taxi” шуданаш туфангчаро ба сӯи сандалии ронанда нишон гирифта тир холӣ мекунад”.

Ӯ мегӯяд, ки ронандаи маҷруҳгашта шаҳрванди Тоҷикистон мебошад ва тибқи таҳқиқоти пулис фарди ҳамлагар низ шаҳрванди Тоҷикистон буда, пулис ҷузъиёти ҳувияти ин фардро медонад ва дар пайи ҷастуҷӯи ӯ аст.

Дар идома Киёвска афзуд, ки ронандаи маҷруҳи тоҷикро ба бемористон интиқол додаанд ва ҷонаш дар хатар намебошад, пизишкон низ вазъи саломатияшро муътадил гузориш додаанд, вале то ҳанӯз ба пулис иҷозати бозпурсии ронандаи маҷруҳро надодаанд.

Дар сурати пайдо шудани ҷузъиёти бештар ин хабар такмил мешавад.

Ин бори авал нест, ки номи шаҳрвандони Тоҷикистон дар расонаҳои лаҳистонӣ ба хотири ҷурму ҷиноят расонаӣ мешавад. Моҳи марти соли 2021 низ як шаҳрванди 36-солаи Тоҷикистон ба номи Бахтиёр Каримзода, ки таҳти таъсири маводи мухаддир сари фармон нишаста ронандагӣ мекард, бо як худрави дигар бархурд, ки дар натиҷа як шаҳрванди 58-солаи Лаҳистон дар ин тасодуф кушта шуд.

Пулис гутфа буд, ки ин шаҳрванди Тоҷикистон дар замони ронандагӣ таҳти таъсири маводи мухаддир будааст ва инчунин он замон аз мошинаш маводи мухаддир пайдо карда буданд.

ИНЧУНИН, БИХОНЕД: Боздошти як шаҳрванди Тоҷикистон дар Лаҳистон дар пайи тасодуф

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.