22.9 C
Dushanbe

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои “Крокус Сити Ҳолл” дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Бархе муҳоҷирони тоҷик аз он шикоят доранд, ки корфармоҳояшон бо баҳонаи ҳодисаи “Крокус” ва ин ки тоҷик ҳастанд, ба онҳо гуфтаанд, ки аз рӯзи душанбе метавонанд дигар ба кор наоянд ва онҳоро аз ҷои корашон ихроҷ мекунанд.

Ҳамчунин бархе дигар мегӯянд, дар мағозаҳо ва автобусҳо онҳоро роҳ намедиҳанд. Ҳатто аз боздошту ба Тоҷикистон ихроҷ кардани гурӯҳе аз муҳоҷирони тоҷик дар шабакаҳои иҷтимоӣ наворҳо нашр шудааст.

Як манбаъ аз Русия бо шарти ифшо нашудани номаш дар тамос ба Azda tv гуфт, ки рӯзи якшанбе, 24-уми март хешашро, ки насабаш бо яке аз гумонбарони ҳодиса монанд будааст, пулис ӯро боздошт карда, то 5 соат бозпурсӣ ва шиканҷа кардааст. Аммо дар ниҳоят маълум шуда, ки ӯ ба он гурӯҳ ҳеч рабте надорад, озодаш кардаанд.

Ба иттилои муҳоҷирон, аз ҳама бештар вазъи муҳоҷироне, ки ба таксиронӣ машғул ҳастанд ва дар ин самт кор мекунанд, бисёр бад аст. Ҳатто гуфта мешавад, онҳое, ки таксӣ фармоиш медиҳанд, аз таксӣ мепурсанд, ки тоҷик аст ё на, агар гӯед, бале тоҷик аст, дар ҳол фармоишашро бекор мекунанд.

Дар ҳамин робита дар шабакаҳои иҷтимоӣ чандин наворҳои садоӣ нашр шудааст, аз ҷумла дар аз як сабти садо гуфта мешавад, худи ӯ мусофиркаш аст ва чанд лаҳза пеш як русро савор кардааст, “гуфт пагоҳ (рӯзи душанбе) 500 нафарро ҷамъ кардаем, ба кӯчаҳо баромада, муҳоҷирони тоҷикро мекушем. Бе ин кор намешавад.”

Муҳоҷири дигаре дар тамос ба Azda tv гуфт, аз субҳи имрӯз ҳамкоронаш бо ӯ он муносибати пешинро надоранд. “Ҳатто саломамро алейк намегирад баъзеаш. Мепурсам, чӣ гуноҳ кардаам, ки бо ман муносибати хуб намекунед? Мегӯянд, ту ҳам тоҷик ҳастӣ ва шумо ҳамаатон террорист ҳастед.”, мегӯяд манбаъ.

Коршиносон ва таҳлилгарон пас аз ин ҳодиса таъкид мекунанд, ки ин ҳамла як баҳонае барои мақомоти интизомии Русия ва шаҳрвандони оддии он барои озору азият ва ихроҷи муҳоҷирон ва бахусус тоҷикон хоҳад шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.