Тоҷикистон

Ширкати "IRS" аз баста шудани роҳи Душанбе-Чаноқ хабар дод

Ширкати "Innovative Road Solutions" (IRS), ки нигоҳдории роиҳи Душанбе-Чаноқро бар уҳда дорад, субҳи 17-уми ноябр хабар, ки ба сабаби фаромадани тарма дар роҳ маҳдудият ҷорӣ шудааст.

Ин ширкат субҳи имрӯз хабар дода буд, ки бо сабаби бориши барф зиёд ва фаромадани тармаи бузургҳаҷм дар километри 159 - уми роҳи Душанбе - Чаноқ "бо мақсади эҷод накардани монеа ба ҳаракати дигар воситаҳои нақлиёт, барои гузариши "Фура" ва автомобилҳои боркаши ядакдор маҳдудият ҷорӣ гардидааст."

Аммо ин ширкат барои ҳаракати дигар намуди мошинҳо, аз ҷумла мошинҳои сабукрав маҳдудияти ҷорӣ нагардид.

Аммо баъдар бо навиштае дар Фейсбук масъулони ширкати мазкур иттилоъ доданд, ки "ҳоло роҳ кушода буда, маҳдудияте, ки барои "Фура" ва автомобилҳои боркаши ядакдор муваққатан ҷорӣ гардида буд, аз байн бардошта шуд."

Ёдовар мешавем, ки ширкати (IRS), ки гуфта мешавад, ба яке аз наздикони Эмомалӣ Раҳмон тааллуқ дорад, аз соли 2010 масъулияти нигоҳубини роҳи Душанбе - Чаноқро бар уҳда дорад. Ва ҳамасола дар ин роҳи кӯҳӣ ва хатарнок чандин мошин, аз ҷумла мошинҳои боркаш аз баландӣ ба умқи то 300 метр сарозер мешаванд. Вале то ҳанӯз роҳ комилан бехатар нашудааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Тағйироти кадрӣ дар мақомоти судии Тоҷикистон

Тоҷикистон

Огоҳӣ! Дар Тоҷикистон ин рӯзҳо ҳаво сард мешавад!

Тоҷикистон

Сайид Шамс ба Тоҷикистон истирдод шуд

Тоҷикистон

Афзоиши сатҳи талоқ дар Тоҷикистон. Иллат чист?