32.9 C
Dushanbe

Се корманди пулис барои шиканҷаи шаҳрванд маҳкум ба зиндон шуданд

Суди Олии Тоҷикистон 3 корманди собиқи ВКД-ро махкум ба зиндон кард. Ин се корманди милиса дар содир намудани як қатор ҷиноятҳо, аз ҷумла истифодаи шиканҷа нисбати шаҳрванд сокини шаҳри Турсунзода Ҳасан Ёдгоров муттаҳам дониста мешаванд.

“Азия-Плюс” дар гузорише аз қавли “Эътилофи ҷомеаи шаҳрвандӣ алайҳи шиканҷа ва беҷазоӣ” навишта, ки Ҳасан Ёдгоров ба иттиҳоми куштор дар соли 2017  шаш моҳро дар СИЗО сипарӣ намуд ва пас аз дастгир шудани қотили воқеъӣ озод гардид. Ин шаҳрванд он замон зери шиканҷа қатли як нафарро ба гардан гирифт.

Ҳасан Ёдгоров пас аз ба озодӣ баромадан алайҳи ин се корманди нерӯҳои интизомӣ, ки ӯро шиканҷа карда буданд, шикоят намуд ва парвандаи ҷиноӣ алайҳи ин се корманди милиса боз карда шуд.

Ҳангоми баррасии такрории парванда, ки моҳи марти соли 2021 маҳкумшавандаҳо дар содир намудани ҷиноятҳо мутобиқи модаҳои 316  (Аз ҳадди ваколатҳои мансабӣ баромадан), 323 (Сохтакории хидматӣ) ва 141.1 (Шиканча)-и Кодекси ҷиноии Ҷумҳурии Тоҷикистон муҷрим шинохта шуда хукмашон содир гардид.

Ш.Азизов ба 13 сол зиндон, С.Давлатмуродзода ба 12 сол зиндон ва Э.Наимов ба 10 сол зиндон махкум шуданд.

Ёдовар мешавем, ки як сокини ш.Турсунзода ба номи Ҳасан Ёдгоров 8 – моҳро дар СИЗО-и маҳаллӣ аз моҳи ноябри соли 2017 то миёнаи соли 2018 ба иттиҳоми куштор, ки ӯ содир накарда буд, сипарӣ намуд.

Парванда алайҳи Ҳасан Ёдгоров пас аз кушта шудани як пешхидмати шаҳри Турсунзода бо номи Димитрий Каримов оғоз шуд. Ин ҷиноят дар тирамоҳи соли 2017 сар зада аст. Ҷасади мақтулро дар хонаи иҷорааш пайдо карданд.

Пас аз як моҳ телевизиони Тоҷикистон видеое аз ҷониби ВКД таҳияшударо намоиш дод, ки дар он гумонбар Ҳасан Ёдгоров ба гуноҳи нокардаи худ эътироф мекунад хамчунин эътироф кард, ки ашёи шахсии Димитрий Каримовро (дастпонаи тилло ва телефон) гирифта аст.

Аммо мохи августи соли 2018 пас аз 8 мох дар СИЗО боздоштшударо озод карданд. Наздикони ӯ ба ҳомиёни ҳуқуқ муроҷиат карданд ва ба Прокуратураи генералӣ шикоят бурданд. Пас аз тафтиш гумонбари дигар сокини ш. Турсунзода Леонид Малченков боздошт шуд.

Қотили воқеӣ пас аз истифодаи телефони мақтул шиносоиву боздошт ва тирамоҳи соли гузашта Леонид Малченков ба 21 сол зиндон маҳкум гардид. Пас аз озодии Ёдгоров маъмурони интизомӣ ба гумони шиканҷа яке пас аз дигаре боздошт шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.