Вазорати умури хориҷии Тоҷикистон ба нашри мақолаҳое, ки дар расонаҳои Чин нашр шуданд ва иддаои соҳиб шудан ба қаламрави Тоҷикистонро кардаанд, вокуниш нишон дода, дар мавриди даъвоҳои ҳудудӣ – таърихӣ ба Пекин ёддошти расмӣ фиристодааст.
“Sputnik”, ношири ин хабар навишта, ки вазири умури хориҷии Тоҷикистон дар ин бора гуфта, ки дар робита ба ин қазия корҳои заруриро ба роҳ монда, аз ҷониби Вазорати умури хориҷӣ ба Чин ёддошт фиристодаанд.
Сироҷиддин Муҳриддин таъкид дошта, ки дипломатҳои тоҷик бо ҳамтоёни чинияшон ва инчунин бо роҳбарияти расонае, ки чунин маводҳоро нашр кардаанд, мулоқот анҷом додаанд ва онҳо мақолаҳои баҳсиро аз сомонаҳояшон бардоштанд.
Бино ба иттилои манбаи “Sputnik” мақомоти Чин дар пайи ин норозигиҳо ба ҷониби Тоҷикистон гуфтаанд, ки чунин маводҳо дар расонаҳои ғайридавлатӣ нашр шудаанд ва он ба ҳеч ваҷҳ ба маънои мавқеи расмии Пекин нест.
“Бо мақомоти Чин ҳамкориҳои ниҳоят хуб дорем, вақте муроҷиат мекунем, дарҳол ҷавоб медиҳанду аз ҳамкории стратегии ду давлат ёд карда таъкид мекунанд, ки чунин мавод ҳеч вақт мавқеи расмии Чин нест”-гуфт, Сироҷиддин Муҳриддин.
Вазири умури хориҷии Тоҷикистон аз фаъол будани ҳазорҳо расонаҳои ғайридавлатӣ дар ин кишвар зикр карда мегӯяд, ки муаллифон дар ин расонаҳо ҳар гуна матолиби баҳсбарангез менависанд, ки мавқеи расмии кишвари Чин набудааст.
Изҳороти вазир дар ҳоле садо медиҳад, ки ин расонаҳо даъвои соҳиб шудани қисме аз заминҳои Тоҷикистонро кардаанд. Шабакаи телвизионии “
Тоҷикистон соли 2017 аъзои созмони “Як камарбанд-Як роҳ” шуд, ки тибқи он то ҳол тақрибан 350 ширкатҳои чинӣ дар минтақаи Помири Тоҷикистон фаъолияти густурда менамоянд. Дар гузашта Тоҷикистон ба воситаи иҷозат додани ҳуқуқи истихроҷи маъданҳо ба Чин қарзҳои худро пардохт менамуд. Ва ахиран Тоҷикистон барои коркарди тилло ба ширкати чинии “ТВЕА” иҷозатнома додааст. Ин ширкат барои коркарди тиллои “Кумарғи Боло” ва Дуобаи Шарқӣ” иҷозат дорад. Он замон ҳукумат ҳаҷмии аслии тиллои ин конҳоро пинҳон карда буд. Бояд гуфт, ки вазири хориҷаи Тоҷикистон дар ҳоле аз ҳамкории стратегии ду давлат тавсиф мекунад ва мегӯяд, ки ин матолиб баёнгари мавқеъи расмии Чин нестанд, ки дар ин кишвар тамоми ВАО зери сензураи қавии давлат қарор дорад.
