5.9 C
Dushanbe

Содир Ҷабборов: Тоҷикистон бояд Мурғобро ба мо диҳад!

Президенти Қирғизистон Содир Ҷабборов иддао карда, ки ноҳияи Мурғобро Тоҷикистон бояд ба Қирғизистон бидиҳад. Ҷабборов ин иддаояшро рӯзи шанбе дар нишасти матбуотие ба хабарнигорони қирғизӣ гуфт.

Содир Ҷабборов мегӯяд, мушкилоти мо бо Тоҷикистон 30 сол боз идома дорад ва дар муддати кӯтоҳ ҳал шудани он ҳам имкон надорад.

Ман бояд бигӯям, ки мо бо Тоҷикистон се мушкилии минтақаӣ дорем. Ҷабборов мегӯяд, Тоҷикистон бозгардонда гирифтани 21 ҳазор гектарро аз минтақаи Лайлаки вилояти Бодканд талаб дорад, ки ҳоло ин заминҳо ба мо тааллуқ доранд. Ӯ дар идома афзуда, “Дар чунин сурат бояд Мурғоб ба мо супурда шавад, ки аз ҷиҳати ҳудуд хеле калонтар аст”.

То ҳол ба гуфтаҳои Ҷабборов мақомоти Тоҷикистон вокунише нишон надодаанд, аммо дар шабкаҳои иҷтимоии тоҷикӣ фаъолони ҷомеаи мадании тоҷик вокунишҳои зиёд карданд.

Таҳлилгарону фаъолон мегӯянд, иддаои гирифтани ноҳияи Мурғоб аз ҷониби Қирғизистон эълони душмании ошкор аст ва чунин тарзи бархӯрд ва муомила бо роҳҳои дипломатӣ ҳал шуданаш ҳам эҳтимоли кам дорад.

Аммо як қисме дигар аз фаъолон бар ин боваранд, ки дар рӯзҳо агарчи тӯл ҳам кашад, бояд масъалаи делимитатсия ва демаркатсия бо роҳҳои дипломатӣ ҳал шаванд.

Раисҷумҳурони ду кишвар, Тоҷикистону Қирғизистон борҳо барои ҳалли низоъҳо ва мушкилоти марзӣ борҳо бо ҳам дидору гуфтугӯ намуданд, вале зоҳиран масъала хеле печидааст ва дар ин кӯтоҳмуддат ҳал шуданӣ нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.