Судури ҳукми ихроҷи раиси ҷамъияти тоҷикони "Пайванд" аз Русия
Саидасрор Мирзоев раиси ҷамъияти тоҷикони "Пайванд" дар Самара - аз нафаронест, ки бо вуҷуди доштани шаҳрвандии Русия ҳукми ихроҷаш ба Тоҷикстон содир шудааст.
Қарори ихроҷи ӯро рӯзи 23 декабри 2020 додгоҳи ноҳияи Самара содир кард. Саидасрор Мирзоевро дар вайрон кардани қоидаҳои будубош дар қаламрави Русия гунаҳкор медонанд ва барои ин ӯро 2000 рубл низ ҷарима карданд. Айби ӯ дар он буда аст, ки пас аз ба итмом расидани мӯҳлати муқарраршудаи будубош кишварро тарк накардааст, яъне ҳуқуқвайронкунии маъмурӣ содир кардааст.
Ин ҳам дар ҳолест, ки вакили дифоъи Мирзоев мегуяд ӯ шаҳрвандии Русияро дорад ва наметавон ӯро ихроҷ кард. Вакилони дифоъи ӯ аз болои қарори ихроҷи ӯ ба суди болоӣ шикоят бурданд, аммо қарор бетағйир монд. Охирон додгоҳи ӯ дар 18 марти ҳамин сол баргузор шуд, аммо ҳукми қаблӣ боз бетағйир монд.
Ба гуфтаи вакили дифоъи ӯ Александр Паулов, Мирзоев таҳти фишор маҷбур шуд, ки дар додгоҳ алайҳи худ шаҳодат бидиҳад ва ин боиси бенатиҷа шудани ҳимоя шуд. Хешовандонаш мегӯянд, Мирзоевро шахсони номаълум дар сараш халта кашида ба кадом ҷангале бурдаанд ва бо таҳдиди қатл аз ӯ имзо гифритаанд, ки қонуро вайрон карда аст.
Паулов изҳор медорад, ки ӯ барои дарёфти адолат муборизаро идома медиҳад ва барои бекор кардани қарори ихроҷи Мирзоев ба Тоҷикистон талош хоҳад кард.
Ин ҳам дар ҳолест, ки мақомот ҳар замон метавонанд дар аввалин фурсат Мирзоевро ба Тоҷикистон ихроҷ кунанд. Ба гуфтаи пайвандон Мирзоев аз солҳои 1994 шаҳрванди Рӯсия аст. Ва қарор аст додгоҳи баъдӣ дар ҳамин моҳи апрел барпо шавад.
Ин ягона ҳукми истирдоди фаъолони тоҷик аз Рӯсия бо вуҷуди доштани шаҳрвандии ин кишвар, дар ин авохир нест. Ба иттилоъи радиои Озодӣ танҳо дар ҳафтаи гузашта ду зодаи Тоҷикистон ва ҳамзамон шаҳрвандони Русия ба ба Тоҷикисон ихроҷ шуданд. Аввалин истирдодшуда рӯҳонии маъруф Саиднуриддин Розиқов буда аст, ки дар зодгоҳаш мақомот ӯро дар пайравӣ аз ҳаракати динии Салафия гумонбар медонанд.
Ҳарчанд пайвандони рӯҳонӣ ин иттиҳомро беасос медонанд. Дар Тоҷикистон ин ҳаркат мамнуъ эълон шуда аст. Дуввумӣ бошад, вакили мудофеъ ва ҳомии ҳуқуқи муҳоҷирон Иззат Амон аст. Мақомот дар Тоҷкистон ӯро ба қаллобӣ муттаҳам кардаанд.
Чаро дар вақтҳои ахир истирдоди фаъолони тоҷик дар Рӯсия доғ шуд ва кӣ дар ин корҳо даст дорад. Фаъоли сиёсӣ Фатҳиддин Усмонзода дар ин бора чунин назар дорад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.