10.9 C
Dushanbe

Таҷлили иди мазҳабии исмоилиҳо дар Хоруғ

Дирӯз 11 июл дар шаҳри Хоруғи Вилояти Мухтори Кӯҳистони Бадахшони Тоҷикистон сокинон рӯзи ба тахти Имомат расидани Шоҳзода Карим ал – Ҳусайнӣ Оқохони IV-ро ҷашн гирифтанд.

Исмоилиёни Тоҷикистон бар иловаи қироати маърӯза ва суханрониҳо дар бораи Оқохони IV ин ҷаншвораи худро бо баргузории барномаҳои фарҳангӣ ва варзишӣ низ зиннат бахшиданд.

Наворҳои зиёде аз рафти ин ҷашнвора дар шабакаҳои иҷтимоӣ нашр шудааст. Дар наворҳо дида мешавад, ки дар ин ҷашнвора бозиҳои варзишӣ аз қабили куштии милливу тӯби дастӣ гузаронда шуд ва ғолибон бо мукофотҳои қиматнок мукофотонида шуданд.

Аз ҷумла ду худрав низ ба беҳтарин паҳлавонон Шакармамад Мирмамадова ва дигаре бо номи Комрон дод шуд. Ҳамчунин дар яке аз наворҳо дида мешавад, ки Мамадбоқир Мамадбоқиров – яке аз фармондеҳони собиқ ва “лидерони мардумӣ” дар ВМКБ низ ҳузур дорад ва суханронӣ мекунад.

Пайравони мазҳаби Исмоилия ҳамасола рӯзи 11-уми юлро ҷашн мегиранд. Дар ин рӯз, яъне 11 – уми июли соли 1957 Шоҳзода Карим ал – Ҳусайнӣ Оқохони IV, пас аз вафоти бобояш Султон Муҳаммад Шоҳ Оқохони III имоми Исмоилиҳои дунё шуд ва инак 63 сол мешавад раҳбарии ин фирқаи мазҳабиро ба душ дорад.

Равияи Исмоилия дар Тоҷикистон беш аз 200 ҳазор пайрав дорад, ки аксари онҳо дар ВМКБ зиндагӣ мекунанд.
Гуфта мешавад, Оқохони IV яке аз шахсони сарватмандтарини дунё ба шумор рафта, сарвати худро барои рушди кишварҳои дар ҳоли тавсиа харҷ мекунад.

Ӯро ҳамчунин поягузори Муассисаи мутолеоти исмоилӣ, Маркази ҷаҳонии касратгароӣ (плюрализм), Донишгоҳи Осиёи Миёна ва Донишгоҳи Оқохон медонанд. Оқохони IV молики “Шабакаи тавсиаи Оқохон” (AKDN) аст. Шабакаи ӯ барои кишварҳои ҷаҳони севум нигаронида шуда, аз ҷумла дар Тоҷикистон низ фаъолият мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.