19.9 C
Dushanbe

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Гуфта мешавад, ин масҷид рӯзи сешанбеи 16-уми апрел дар пайи эътирози мардуми маҳал тахриб шудааст. Ба иттилои пойгоҳи “Islam News”, баҳси тахриби масҷид байни фаъолони миллатгаро ва Ҷамъияти мусалмонони Троитск се сол боз идома дошт ва инак бо тахриби масҷид баҳси онҳо низ хотима ёфт.

“Сокинони Троитск се сол боз ба муқобили масҷид мубориза мебурданд, ба маъмурияти шаҳр Владимир Дудочкин ва раиси Кумитаи тафтишот Александр Бастрикин сокинон шикоятҳои зиёде навиштаанд. Дар натиҷа, бо фармони раиси Кумитаи тафтишот Александр Бастрикин сохтмон ғайриқонунӣ эълон ва вобаста ба ин қазия парвандаи ҷиноӣ боз шуд.” – омадааст хабар.

Гуфта мешавад, сокинон иддао кардаанд, ки пас аз ифтитоҳи масҷид дар ин минтақа мизони ҷинояткорӣ афзоиш ёфта, волидайн аз берун баровардани фарзандони худ метарсанд ва ба сабаби ҷамъ шудани мошинҳои намозхонон, бахусус рӯзҳои ҷумъа, роҳбандӣ ба вуҷуд меояд.

Имоми ин масҷид дар суҳбат ба расонаҳо гуфта, ки дар ин гирду атроф мардуми мусалмони зиёд зиндагӣ мекунанд, ки аксари онҳо мардуми Қафқоз ва зодагони худи Русия ҳастанд. Имом таъкид карда, ки акнун баъди тахриби ин масҷид, аз ҳама наздиктарин масҷиде, ки мусалмонон бояд рафта ибодатҳояшонро анҷом диҳанд ба мошин 1 соату 20 дақиқа роҳ аст.

Ин дар ҳолест, ки қаблан муфтии Маскав Илдар Аляутдинов изҳори умедворӣ карда буд, ки масҷиди бунёдкардаи мусулмон дар Троитск тахриб нахоҳанд шуд, зеро ба гуфтаи ӯ дар ин минтақа масоҷид, намозгоҳҳо ва марказҳои фарҳангиву маърифатӣ вуҷуд надорад ва будани ин масҷидро зарур хонда буд.

Ҳамзамон муовини раиси Шӯрои муфтиҳои Русия, муфтии вилояти Маскав Рӯшан Аббясов низ дар бораи камбуди шадиди масоҷид дар пойтахти Русия дар соли 2021 изҳори назари нигаронӣ карда буд. Ба гуфтаи Аббясов, масҷидҳо дар Маскав, ҳатто барои мусулмонони таҳҷоӣ, ба ғайр аз муҳоҷирон, кофӣ нестанд. Аксарияти мусулмонони Маскав ҳатто наметавонанд дар намози ҷумъа ва намозҳои ид ширкат кунанд, зеро ба гуфтаи ӯ, дар пойтахти Русия шаҳри Маскав, ки 13 миллон аҳолӣ дорад, ҳамагӣ 4 масҷиди ҷомеи бузург вуҷуд дорад, ки ин миқдор барои тақрибан то 3 миллион мусулмон басанда нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.