27.9 C
Dushanbe

Таркиш дар Файзобод: 2 кушта ва 6 захмӣ

Бар асари як таркиш дар маркази Файзобод муовини раиси вилояти Бадахшон ҳамроҳи ронандааш кушта ва 6 каси дигар захмӣ шудааст.

Бино ба иттилои расонаҳо, субҳи имрӯз, 6-уми июни соли 2023 бар асари як таркиш дар чорроҳии Маҳкамаи шаҳри Файзобод, маркази вилояти Бадахшони Афғонистон муовини раиси вилоят ҳамроҳ бо ронандааш кушта ва дасти кам 6 каси дигар захмӣ шудааст.

Расонаҳои Афғонистон ба нақл аз Муъизиддин Аҳмадӣ, раиси идораи иттилоот ва фарҳанги Толибон мегӯянд, ин ҳодиса тақрибан соати 08:15 рух дода, дар натиҷа мавлавӣ Нисор Аҳмад Аҳмадӣ, муовин ва сарпарасти волии Бадахшон ҳамроҳ бо ронандааш кушта ва 6 нафари дигар аз муҳофизонаш захмӣ шудаанд.

Толибон мегӯяд, мошине, ки ҳомили муовини раиси вилоят ва муҳофизонаш буд, аз пеш бамбгузорӣ шуда буд ва ҳангоми ҳаракат дар роҳ ин ҳодиса рух додааст. Тамоми касоне, ки дар ин ҳодиса ҷароҳат бардоштаанд, ба бемористон интиқол дода шудаанд. Мақомот барои пайдо кардани маълумоти бештар ва чигунагии анҷоми ин ҳодиса таҳқиқоти худро оғоз кардаанд.

Бо вуҷуди он ки бархе расонаҳо шохаи Хуросони ДИИШ-ро дар ин ҳодиса гумонбар медонанд, вале то замони таҳияи ин матлаб ҳеч касе ва ё гурӯҳе ба сурати расмӣ анҷоми ин ҳодисаро бар уҳда нагирифтааст. Инчунин, гуфта мешавад, дар чанд ҳафтаи ахир ин яке аз маргбортарин таркишҳоест, ки мақомоти баланпояи Толибонро ҳадаф қарор додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.