Вазорати корҳои дохилии Тоҷикистон аз таркише дар як чойхонаи шаҳри Панҷакент хабар дод.
Гуфта мешавад, дирӯз 25 январ дар чойхонаи “Самарқанд” дар шаҳри Панҷакент таркиши газ ба амал омада чандин нафар захмӣ гардида, 12 нафар бо ҷароҳатҳои вазнин ба беморхона интиқол дода шуданд.
Бино ба иттилои ВКД 25-уми январи соли равон, тахминан соати 12:20-дақиқа, дар чойхонаи “Самарқанд”, воқеъ дар шаҳри Панҷакент, хиёбони Рӯдакӣ-157, ки Тиллоев Ёлқин Раҳмонкулович, соли таваллудаш 1979, истиқоматкунандаи деҳаи Майката, ҷамоати Амондараи шаҳри Панҷакент иҷора гирифта будааст, таркиш ба амал омадааст.
Дар хабари ВКД сабаби таркиши газ риоя накардани қойдаҳои бехатарӣ унвон гардидааст.
Гуфта мешавад, аз руйи ҳодиса тафтишот идома дошта, то ҳол талафоти ҷонӣ ба қайд гирифта нашудааст.
