Чаҳордаҳумин нишасти Комиссияи муштараки ҳамкориҳои иқтисодӣ, тиҷорӣ, илмӣ, фарҳангӣ, фаннӣ ва иҷтимоии Эрону Тоҷикистон ахиран дар шаҳри Душанбе баргузор гардид.
Бар асоси иттилои хабаргузории ИРНА, Эрон ва Тоҷикистон бо такя бар зарурати пайвасти шабакаҳои барқии ду кишвар ба ҳамдигар аз тариқи масирҳои мавҷуд ба тавофуқ расиданд.
Дар поёни чаҳордаҳумин нишасти Комиссияи муштараки ҳамкориҳои иқтисодиву тиҷорӣ, илмиву фарҳангӣ, фанни ва иҷтимоии Эрон ва Тоҷикистон Ризо Ардакониян, вазири нерӯи Эрон ва Далер Ҷумъа вазири энержӣ ва захоири оби Тоҷикистон санади ҳамкориҳои ду кишварро ба имзо расониданд.
Ду вазир ибрози умедвори намуданд, ки ин санад мояи густариши равобити дуҷониба хоҳад шуд.
Вазири нерӯи Эрон дар ин нишаст бо ишора ба муштаракот ва зарфиятҳои фароҳам дар ду кишвар дар заминаҳои гуногун гуфт, бо вуҷуди ҳосил шудани тавофуқҳои хуб дар иҷлоси гузашта ниёз ҳаст, ки дар иҷрои тавофуқҳо иқдомҳои таъсиргузоре ба амал ояд.
Далер Ҷумъа вазири энержӣ ва захоири оби Тоҷикистон ва раиси тоҷики комиссия низ гуфт, умед меравад баргузории ин нишаст муҷиби ҷаҳиши қобили таваҷҷӯҳ дар робитаҳои Теҳрону Душанбе дар ҳамаи заминаҳо гардад.