Ҳукумати Тоҷикистон аз ирсоли кумакҳои башардӯстона ба зарардидагони заминларзаи Афғонистон хабар дод.
Тавре мақомоти расмӣ иттилоъ медиҳанд, рӯзи 8-уми сентябри соли 2025, Ҳукумати Ҷумҳурии Тоҷикистон 3000 тонна кумакҳои башардӯстонаро барои мардуми осебдидаи Афғонистон ирсол кард.
Гуфта мешавад, ин кумакҳо тавассути 100 мошини боркаш ба сӯи Афғонистон роҳсипор шуда, ба минтақаҳои зарардида расонида мешаванд.
Ба иттилои расмӣ, дар таркиби кумакҳо маводи ғизоӣ, либос, хайма, болопӯшҳои зимистона, масолеҳи сохтмон, оби нӯшокӣ, ангишт ва дигар ашёи зарурии рӯзгор шомил мебошанд.
Ёдовар мешавем, ки бар асари заминларзаи шадиде, ки шаби 31-уми август дар Афғонистон рух дод, зиёда аз 2200 нафар ҷони худро аз даст доданд ва хисороти ҷиддӣ ба манзил ва зиндаги мардум ворид шудааст. Кумакҳои башардӯстонаи Тоҷикистон ҳамчун иқдоми ҳамдардӣ ва дастгирии ҳамсоякишвар арзёбӣ мешаванд.
