10.9 C
Dushanbe

Тоҷикистон омори ВКД-и Русияро дар мавриди муҳоҷирони ғайрирасмӣ вокеъӣ намедонад

Раиси намояндагии Вазорати меҳнат муҳоҷират ва шуғли аҳолии Тоҷикистон дар Русия Зоҳир Мирзоев дар мусоҳибааш бо “РИА Новости” ибороз дошт, ки маълумоти ВКД-и Русия дар мавриди ғайриқонунӣ ҳузур доштани 247 ҳазор шаҳрвандони Тоҷикистон дар ин кишварро аз будаш зиёд медонад. Мирзоев изофа кард, ки онҳо бо муҳоҷирон корро оғоз кардаанд.

Пештар муовини вазири корҳои дохилии Русия Александр Горовой аз намояндагони кишварҳои ИДМ дархост кард, ки дар мавриди муҳоҷирони ғайриқонунии дар Русия ҳузурдошта чораандешӣ кунанд, то кор ба ихроҷ кардани онҳо нарасад.

Тибқи иттилои ВКД-и Русия 247 ҳазор шаҳрвандони Тоҷикистон дар Русия ғайриқонунӣ ҳузур доранд.

Ба гуфтаи намояндаи Тоҷикистон, ин рақам маълумоти давраи 5,10,15 солро дар бар мегирад. Ба назари мо бисёре аз ин шаҳрвандон замоне бо дигар ҳуҷҷатҳо ба Тоҷикистон рафта дар ҳамонҷо қарор доранд. Ба гуфтаи Мирзоев, масалан шахс қонунӣ ба Русия омада, лекин ҳуҷҷатҳояшро гум мекунад ва бо кумаки консулгарии Тоҷикистон ҳуҷҷатҳо ё маълумотнома (справка) барои бозгашт ба Тоҷикистон гирифта аст.

Чунин муҳоҷирон бо ҳуҷҷатҳои нав қаламрави Русияро тарк мекунанд лекин дар ҷойгоҳҳои маълумоти Русия онҳо то хол дар Русия ҳузурдошта боқӣ мемонанд. Бо гузашти замони муайян муҳлати амали ҳуҷҷатҳои онҳо ба охир расида муҳоҷир мақоми ғайриқонуниро мегирад.

Ба гуфтаи Мирзоев, дар иртибот ба муҳоҷирони ғайриқонунии боқимонда бошад, миёни онҳо бисёр касоне ҳастанд, ки ҳамагӣ як ё ду қонуншикании маъмурӣ доранд. Дар Маскав ва Петербург бо доштани як ё ду ҷаримаи маъмурӣ сарфи назар аз қонунӣ кор кардани шахс пас аз Русия рафтанаш шахс метавонад ба руйхати манъ (вуруди нав) дохил шавад.

Шахсоне, ки  аллакай чунин қонуншиканӣ доранд мефаҳманд, ки агар берун аз Русия раванд дигар ворид шуда наметавонанд, бинобар ин онҳо дар ҳолати ғайриқонунӣ карор мегиранд.

Намояндаи Тоҷикистон дар идомаи мусоҳибааш бо “РИА Новости” гуфт, миёни ин қонуншиканон шахсоне ҳузур доранд, ки сари вақт маблағи патентро натавонистанд пардохт кунанд, зеро барои ин пул надоштанд. Ҳукумати ҷумҳурӣ дар айни ҳол байни шаҳрвандон ҳам дар Русия ва ҳам дар Тоҷикистон дар ин маврид чораҳо меандешад то ки шаҳрвандон аз маълумоти худ огоҳ гардида дар сурати зарурат онро қонунӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.