14.9 C
Dushanbe

Вазири мудофиаи Русия ба Тоҷикистон меояд

Руасои шӯъбаҳои мудофиаи Русия, Белорус, Арманистон, Қазоқистон ва Қирғизистон ба Душанбе меоянд. Онҳо дар чаласаи шурои вазирони дифоъи кишвархои узви Созмони Паймони Амнияти Дастаҷамъӣ, ки рӯзи 27 апрел дар Душанбе таҳти раёсати Шералӣ Мирзо вазири дифои Тоҷикистон баргузор мегардад ширкат хоханд кард.

Тибқи иттилои “Азия Плюс”дар ин нишаст, ки дар он дабири кулли СПАД Станислав Зас низ ширкат меварзад баррасии масоили амниятӣ, низомӣ, муқобила бо чолишҳо ва таҳдидҳо ва роҳҳои безараргардонии онҳо ба нақша гирифта шуда аст.

Илова бар ин 29-уми апрел дар пойтахти Тоҷикистон таҳти раёсати дабири Шурои Амнияти Тоҷикистон Насрулло Маҳмудзода ҷаласаи навбатии Кумитаи котибони Шӯрои Амнияти СПАД баргузор мегардад. Дар он намояндагони Русия, Арманистон, Белорус, Қазоқистон ва Қирғизистон низ ширкат хоҳанд кард.

Дар ҷараёни мулоқотҳо нақшаҳои муҷаҳҳазгардонии нерӯҳои дастаҷамъии сареъ ( CRRF) омӯзиши муштараки ташаккулёбии нерӯҳо ва воситаҳои системаи амнияти дастачамъӣ ва нақшаи машваратҳо оиди сиёсати хориҷии мудофиа ва амният барои нимаи дуввуми соли 2021 ва нимаи аввали соли 2022 баррасӣ карда мешаванд.

Инчунин дар рӯзномаи ҷаласаҳои СММ ва СSSC  баррасии нақшаи чорабиниҳо бахшида ба 30 солагии имзои Созишномаи Амнияти Дастаҷамъӣ ва 20-умин солгарди таъсиси СПАД мебошад.

Қабл аз оғози ҷаласаҳои СММ ва KSSB, вазирони дифоъ ва котибони Шӯроҳои Амниятро Раиси Шӯрои Амнияти Дастаҷамъии СААД раиси ҷумҳури Тоҷикистон интизор аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.