35.9 C
Dushanbe

ВКД сабаби сӯхтори бозори “Фаровон”-ро эълон кард

Вазорати корҳои дохилии Тоҷикистон шоми 2-уми июн бо нашри иттилоияе сабаби сар задани сӯхтор дар Бозори “Фаровон-Қурғонтеппа”-и шаҳри Бохтарро “расиши кӯтоҳи ноҳилҳо”-и барқ гуфт.

Акс аз Вазорати корҳои дохилии Тоҷикистон

Ба иттилои ВКД дар хомӯш кардани оташсӯзии бузурги ин бозор 148 ҳайати корманди Хадамоти оташнишонии вилояти Хатлон бо 28 адад мошини оташнишонӣ дар давоми тақрибан 4 соат тавонистанд, ки оташро ба пуррагӣ хомӯш кунанд.

Гуфта мешавад, оташ ба масоҳати 1200 метри мураббаъ паҳн шуда, мағозаҳову растаҳо ва соябонҳои бозорро нобуд кардааст.

ВКД сабаби сар задани оташсӯзӣ дар бозори маркази вилоятро “дар натиҷаи расиши кӯтоҳи ноқилҳо дар яке аз ошхонаҳои бозори мазкур” унвон кардааст.

Аммо хисороти ба вуҷудомада то ҳол дақиқ ҳисоб нашудааст, ВКД мегӯяд, ҳоло таҳқиқи пурраи сӯхтори мазкур аз ҷониби гурӯҳи корӣ идома дорад.

Ёдовар мешавем, ки шаби 1 ба 2-уми июни соли 2022 дар бозори марказии шаҳри Бохтар, ки ба бозори “Фаровон” маъруф аст, сӯхтор ба амал омад. Бино ба маълумоти ғайрирасмӣ, дар ин сӯхтор дасти кам то 12 нафар захмӣ шудаанд.

Гуфта мешавад, пас аз таъсиси бозори “Ҳоҷӣ Шариф” дар ин шаҳр ин бори чандум аст, ки дар бозори мазкур сӯхтор ба амал меояд ва тоҷирон хистороти молии зиёде мебинанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.