Директори минтақавии Бонки ҷаҳонӣ дар умури Осиёи Марказӣ, Лилия Бурунчук дар мавриди хисороти кишварҳои Осиёи Маркзӣ аз натиҷаи офатҳои табиӣ гузориш нашр кардааст.
Хонум Лилия дар гузориш гуфтааст, дар натиҷаи офатҳои табиӣ кишварҳои Осиёи Марказӣ ҳамасола 10 млрд доллар зарар мебинанд. Илова бар ин, ба зиёда аз 3 млн нафар осеб мерасад, ки бештари онҳо дар Узбекистон умр ба сар мебаранд.
Дар ин гузориш хисороте, ки дар натиҷаи офатҳои табиӣ ба Тоҷикистон ворид мешавад, 400 млн доллар гуфта шуда, теъдоди зарардидагон ҳар сол то ба 500 ҳазор нафар арзёбӣ мешавад.
Дар идома гуфта мешавад:
“Ба ҷуз заминларза, ҳамасола ба ин минтақа ҳодисаҳои фаромадани ярчу сел ва тарма, обхезӣ ва болоравии зиёди ҳарорат низ таҳдид мекунад”.
Ӯ гуфтааст, кишварҳои минтақа барои бартараф кардани мушкилот тадбирҳо андешидаанд, вале дар сатҳи тамоми минтақа талошҳои бештар лозим аст.
