16.9 C
Dushanbe

Зеленский: Мо Қримро бо ҳар роҳе бошад, бозпас мегирем

Расиҷумҳури Украина Владимир Зеленский дар изҳороте гуфт, бо вуҷуди афзоиши зарбаҳои мушакии Русия, кишвараш тасмим гирифтааст, тамоми қаламравҳои аз дастрафтааш, аз ҷумла Қримро бозпас гирад.

Акс аз Хадамоти матбуоти Президенти Украина

Зеленский рӯзи 24-уми ноябр дар мусоҳиба бо “Financial Times” таъкид кард, ки дар марҳилаи аввал талош мекунад баргардонидани Қрим бо роҳи мусолиматомез ва ғайринизомӣ сурат бигирад, вале дар акси ҳол бо роҳҳои низомӣ ҳам омодааст ин корро анҷом диҳад.

Ӯ гуфт: “Ман мефаҳмам, ки ҳама дар бораи ин ки вазъият дар Қрим чӣ мешавад, нигаронанд. Агар касе омода бошад, ки ба мо роҳи ба таври ғайринизомии бозпас гардондани Қримро ба хоки Украина пешниход кунад, ман хам тарафдори он хоҳам шуд.”

Ӯ дар идома таъкид кард, ки агар талоши миёнаравҳо тасмими барҳам додани ишғоли Русияро дар бар нагирад ва Қрим ҳамчун қисме аз хоки Русия боқӣ бимонад, пас ҳеҷ кас набояд вақти худро барои ин кор беҳуда сарф кунад.

Дар ҳамин ҳол, субҳи имрӯз, 25-уми ноябр Кремлин дар вокуниш ба ин гуфтаҳои Зеленский баён дошт, “изҳороти Зеленский дар мавриди баргардонидани Қрим баёнгари он аст, ки Киев омода нест мушкилоти мавҷударо бо роҳи ғайри низомӣ ҳал кунад.”

Ёдовар мешавем, ки Русия соли 2014 дар ҳамлаи мушобеҳ ба ҳамлаҳои имсолааш ба Қрими Украина ҳуҷум кард ва пас аз ишғоли он бо аҳолияш барои ба хоки Русия пайваст шудан ҳамапурсӣ гузаронд. Сипас Қримро ҷузъи хоки худ эълон кард. Аммо то ҳол Созмони Миллали Муттаҳид ва аксар кишварҳо онро расман ҷузъи хоки Русия эътироф накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.