27.9 C
Dushanbe

Зиндонӣ шудани ду бародаре, ки дар метрои Маскав пулисро зада буданд

Ду шаҳрванди Тоҷикистон, ки дар метрои Маскав кормандони пулисро латукӯб карда буданд, равонаи зиндон шуданд.

Додгоҳи минтақаи Симонови Маскав барои ҳамла ба маъмурони пулис дар метрои Маскав ду шаҳрванди Тоҷикистон – Умар Расулҷонзодаро ба муддати 3,5 сол ва Саидакрам Ҳамроевро ба муддати 2,5 ба зиндон маҳкум кард.

Ин ду шаҳрванди тоҷик бо иттиҳоми “зӯроварӣ алайҳи кормандони мақомоти ҳифзи ҳуқуқ” гунаҳкор дониста шуданд. Қарори додгоҳ рӯзи 11-уми августи соли ҷорӣ эълон шудааст.

Ёдовар мешавем, ки шоми 17-уми феврали соли 2022 дар истгоҳи метрои “Тулская” ду ҷавони тоҷик, яке 18-сола ва дигаре 21-сола бо кормандони пулис даргир шуданд. Гуфта мешавад, онҳо бародар будаанд. Чун пулис якеро дастгир карданӣ шуд, бародари ӯ ба кормандони пулис ҳамла кард ва занозанӣ шуруъ шуд.

Навори занозании ин ду ҷавон бо кормандони пулис дар шабакаҳои ичтимоии Русия сарусадои зиёде ба бор оварда буд. Падари онҳо, Расулҷон Ҳамроев дар як муроҷиати видеоӣ гуфт, аз коре, ки фарзандонаш дар мулки мусофирӣ карданд, розӣ нест. Расулҷон Ҳамроев гуфт, писари якумаш Саидакрам 21 сол ва дуюмаш Расул ҳамагӣ 18 сол доранд ва Умар, ки бори аввал ба Русия рафта буд, ҳанӯз намедонист, ки пулисро задан мумкин нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.