16.9 C
Dushanbe

1 миллион ваксинаи “Moderna” ба Тоҷикистон оварда шуд

Шоми 17-уми январи соли ҷорӣ дар доираи механизми глобалии “COVAX” ба Тоҷикистон беш аз 1 миллион воксинаи амрикоии “Модерна” ворид карда шуд.

Дар маҷмӯъ Тоҷикистон дар доираи ин механизм ва аз дигар манбаъҳо зиёда аз 9 миллион воксинаҳои зидди коронавирус дарёфт кардааст.

Шаҳрвандони кишвар метавонанд бо Sputnik V, AstraZeneca, CoronaVac, Moderna ва Pfizer эм карда шаванд.

Мувофики маълумоти ахири Вазорати тандурустии Тоҷикистон дар кишвар 68,6 дарсади аҳолии калонсол вояи якуми воксин ва 57 дарсад вояи дуюмро гирифтаанд.

Қаблан мақомоти Тоҷикистон дар бораи дубора воксингирии зидди COVID-19 дар байни аҳолӣ хабар дода буд.

Дар навбати аввал пизишкон, баъдан омӯзгорон, хизматчиёни давлатӣ ва табақаҳои осебпазир вояи сеюми ваксинаро мегиранд.

Тибқи омори расмӣ дар Тоҷикистон 17095 нафар ба COVID 19 гирифтор шуда, 124 нафар аз ин вирус фавтидаанд.

Коршиносон ба омори расмии мақомот бо шубҳа нигариста, шумораи беморон ва фавтидагонро бештар медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.