28.9 C
Dushanbe

ДИИШ масъулият ҳамларо ба уҳда гирифт

Шохаи Хуросони ДИИШ, ки дар ин авохир дар Афғонистон хеле фаъол шудааст, масъулияти ҳамла ба волии Балхро бар уҳда гирифт.

Бино ба иттилои расонаҳо, cафорати Ҷумҳурии исломии Эрон дар Афғонистон ҳамла ба волии Балх дар Мазори Шарифро маҳкум карда гуфтааст, ки “ин гуна иқдомоти хушунатборро дар ростои бесуботсозии Афғонистон арзёбӣ менамояд.”

Инчунин тибқи охирин гузоришҳо дар ин мавзӯъ шохаи Хуросони ДИИШ ҳамла ба волии Балх дар Мазори Шарифи Афғонистон, ки боиси кушта ва захмӣ шудани чанд нафар шуд, бар уҳда гирифтааст.

Ҳамзамон дар шабакаҳои иҷтимоӣ наворе роҳ ёфтааст, ки нишон медиҳад, як ҷавоне пеш аз анҷоми амалиёти интиҳорӣ аз тариқи роҳравҳо ва долонҳо Дафтари кории волӣ озодона ва бидуни ҳеч мамониате вориди толори маҷлис мешавад.

Шореҳони ин навор ҳам мегӯянд, ки ин ҷавон дар баданаш камарбанд ҳомили таҷҳизоти таркандаро баста, вориди толор шудааст. Ва дар асари таркиши ҳамин камарманди интиҳорӣ Муҳаммаддовуд Музаммил, волии Балх ва дасти кам чор нафари дигар кушта ва чанд каси дигаре ҳам ҷароҳат бардоштааст.

Гуфта мешавад, субҳи дирӯз, бар асари як таркиши шадиде, ки саоти 10:00 ба вақти маҳаллӣ дар дохили Дафтари волии Балх дар шаҳри Мазори Шариф рух дод, волии Балх Муҳаммаддовуд Музаммил ҳамроҳи ду муҳофизаш кушта ва чанд каси дигаре ҳам аз ҷумла як хабарнигор захмӣ шуда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.