Рӯзи 22- юми июли соли Кумитаи радио ва телевизони назди Ҳукумати Ҷумҳурии Тоҷикистон нишасти матбуотӣ баргузор кард.
Нуриддин Саид, раиси Кумита дар нишасти матбуотии ниҳодаш, ки дар як сол ду бор баргузор мегардад, иштирок кард ва ба саволи хабарнигон посух дод.
Ӯ ба суоли ин ки оё дар телевизони давлатӣ барномаҳои танқидӣ вуҷуд дарад, гуфт, “барномаҳи танқидӣ вуҷуд дорад, ҳатто ба телевизени “САЙЁҲӢ” фармон додам, ки барномаи танқиди таҳия кунанд.” Нуриддин Саид мушахасан аз ягон барномаи танқидӣ ном набуд.
Ӯ дар идома гуфт: “Ман чандин маротиба гуфтам ва боз таъкид мекунам, ки барномаҳои танқидӣ бояд созанда ва барои рафъи мушкилӣ ва инчунин беҳбудӣ ва ислоҳи камбудӣ бошанд.”
Ин идаои Нуриддин Саид дар ҳолест, ки мунтақидон ва рӯзноманигорони мустақил аз бесифат будани муҳтавои банромаҳои шабакаҳои телвезионии кишвар интиқод мекунанд. Ба гуфтаи онҳо, аксари барномаҳои телевизионӣ ба таърифу тамҷиди ҳукумат ва хонаводаи раисиҷумҳур равона шудааст, аммо мушкилоти мардум фаромӯш шуда, амалан барномаҳои танқидӣ вучуд надорад.
Дар Тоҷикистон 15 шабакаи телвизони давлатӣ вуҷуд дорад, онҳо бо буҷети давлат, ки аз кисаи мардум гирифта мешавад, кор мекунанд. Ин шабакаҳо аз имкониятҳои зиёде бархӯрдоранд. Дар баробари ин, дар кишвар 18 телевизони хусусӣ низ вуҷуд дорад, аммо мардум чандон ба телевизонҳои давлатӣ эътимод надоранд, аз ин рӯ, дида мешавад, ки барномаҳои телевизонии кишвар дар интернет камтарин бинандагро доранд.
