Дар ҷараёни бозиҳои Олимпии Париж 2024 чанд варзишгари тоҷик аз тарафи рақибони худ шикаст хӯдрданд.
Баҳодур Усмонов дар ришати бокс аз байни 14 варзишгар аввалин шуда ба рақобат баромад. Рақобати муштзани тоҷик Баҳзодур Усмонови 26-сола шоми шанбеи 27-уми июл бо Радослав Симеонов Росенови 20-сола аз Булғористон дар даври аввал дар вазни то 63,5 кило доир гардид.
Дар ин қувваозмоӣ муштзани ҷавони аврупоӣ, ки се раунд давом кард 5:0 ба Баҳодур Усмонов пирӯз гардида, Баҳодур Усмонов аз идомаи сабқат дар Олимпиадаи Париж-2024 маҳрум гашт.
Эмомалӣ Нуралӣ вазишгари 22-солаи тоҷик, ки дар мусобиқоти ҷудо дар вазни то 66 кило дар даври аввал озод буд, дар даври дувум Баруч Шмаилови 29-соларо аз Исроил дар “замони тиллоӣ” (golden sсore) бо имтиёзи “ваза-aри” шикаст дода, ба даври чорякниҳоӣ роҳ ёфт.
Вале Эмомалӣ дар чорякфинал аз қаҳрамони олимпӣ Ҳифуми Абеи 26-сола аз Ҷопон бо ду “ваза-aри” шикаст хӯрд ва дасташ осеби сахт дид. Бинобар ин, ӯ рақобатро идома дода наметавонад. Рақибаш Бунчич Страҳинҷа аз Сербистон бидуни рақобат бо Эмомалӣ ғолиб эълон шуда, ба ширкат дар мубориза барои медали биринҷӣ роҳ ёфт.
Варзишгари дигари тоҷик Беҳрӯзи Хоҷазода дар мусобиқот аз рӯйи барномаи Бозиҳои тобистонаи олимпӣ ширкат кард ва дар аввалин рақобаташ шикаст хӯрд ва аз ҳаққи идомаи ширкат дар мусобиқот маҳрум гашт.
Хоҷазодаи 29-сола рӯзи 29-уми июл дар вазни то 73 кило дар даври аввал аз рақибаш Артур Маргелидони 30-сола аз Канада дар “замони тиллоӣ” (golden sсore) шикаст хӯрд.
Боз чаҳор паҳлавони тоҷик дар риштаи ҷудо дар ин мусобиқот рақобат хоҳанд кард. Сомон Маҳмадбеков дар вазни то 81 кило, ки дар даври аввал озод аст, дар даври дувум 30-юми июл бо Фарес Бадавии фаластинӣ рақобат мекунад.
Аммо рақиби Комроншоҳи Устопириён, ки дар вазни то 90 кило рӯзи 31-уми июл ба майдон мебарояд, дар даври аввал Тристани Мосахлишвили аз Испания хоҳад буд.
Варзишгари дигари тоҷик Ҷаҳонгир Маҷидов бошад, дар вазни то 100 кило 1-уми август дар даври аввал бо Диессеи фаронсавӣ рӯ ба рӯ хоҳад шуд.
Темур Раҳимов дар вазни беш аз 100 кило, ки дар даври аввал озод аст, 2-юми август дар даври дувум бо ғолиби ҷуфти Эрик Абрамов (Олмон) ва Одхуу (Муғулистон) қувва меозмояд.
Муштзани тоҷик Давлат Болтаев, ки 28-уми июл дар мусобиқаи бокс аз рӯи барномаи Бозиҳои тобистонаи олимпӣ дар Париж дар аввалин рақобаташ пирӯз шуд, ба даври чорякниҳоӣ роҳ ёфт. Болтаеви 25-сола шаби якшанбе дар вазни то 92 кило бо Георгий Кушиташвилии 28-сола аз Гурҷистон рақобат кард. Дар ин қувваозмоӣ муштзани тоҷик, ки маҳорати баланд нишон дод, бо қарори доварон бо ҳисоби 3:2 пирӯз гардида, ба чорякфинал баромад.
