Мақомоти олии Ӯзбекистон ва ҳукумати сарпарасти Толибон дар Афғонистон 35 санади ҳамкорӣ имзо карданд.
Бино ба иттилои ББС, 18-уми августи соли 2024 мақомоти олии Ӯзбекистон ва ҳукумати сарпарасти Толибон дар Афғонистон 35 ёдошти тафоҳумеро байни ду кишвар имзо кардаанд.
Ба қавли манбаъ, аз замони рӯи кор омадани ҳукумати сарпарасти Толибон дар 15-уми августи соли 2021 барои нахустин бор Абдулло Орифов, нахуствазири Ӯзбекистон дар раъси як ҳайати воломақоми кишвараш бо сафари расмӣ ба Кобул сафар кардааст.
Ҳамзамон бо ин, дар ҳузури Абдулло Орифов, нахуствазири Ӯзбекистон ва мулло Абдулғанӣ Бародар, муовини иқтисодии ҳукумати Толибон мақомҳои ду кишвар 12 тафоҳумномаи сармоягузорӣ ба маблағ 1,4 миллиард доллар ва 23 тафоҳумномаи ҳамкории тиҷоратӣ ба арзиши наздик ба 1,1 миллиард долларро имзо карданд.
Гуфта мешавад, Ӯзбекистон ва Афғонистон 144 километр марзи муштарак доранд ва аз замони дубора рӯи кор омадани Толибон дар Афғонистон, бар хилофи мақомоти Душанбе, Токашнд ҳамеша талош кардааст, ки муносибатҳои худро бо Кобул қавитар кунад.
Дар ҳоли ҳозир гардиши молу колоҳои тиҷоратӣ байни Ӯзбекистон ва Афғонистон тайи як соли ахир ҳудуди як миллард долларро ташкил додааст ва мақомоти расмӣ дар Тошканд мегӯянд, ки дар назар аст ин рақамҳо дар соли оянда ба 3 миллаирд доллар баробар шаванд.
