Ду шаҳрванди Тоҷикистон дар Иёлоти Муттаҳидаи Амрико бо иттиҳоми ғайриқонунӣ ворид кардани шаҳрвандони хориҷӣ ба Амрико дастгир шуданд.
Дейвид Меткалф, додситони ноҳиявии иёлати Пенсилвания бо нашри баёнияе аз боздоштшудаҳо Беҳзод Раҳматови 30-сола, истиқоматкунандаи шаҳри Мейнвилл (штати Оҳайо) ва Мунис Хоҷиеви 31-солаи сокини Филаделфия ном бурдааст.
Мақомоти Амрико мегӯянд, ҳарду дар як рӯз ғайриқонунӣ ба қаламрави ИМА ворид шудаанд ва баъдан дар солҳои 2022 то 2025 дар ҳамкорӣ бо дигарон шабакаи убури ғайриқонунии муҳоҷиронро ба роҳ мондаанд. Тафтишот муайян кардааст, ки гумонбарон ба як нафар дар убури ғайриқонунии марз кумак карда, сипас аз ӯ маслиҳату роҳнамоӣ барои ташкили вуруди дигар муҳоҷирон дарёфт кардаанд.
Инчунин дар баёнияи додситонӣ омадааст, ки ин ду зодаи Тоҷикистон бар ивази маблағ ҳуҷҷатҳои қалбакӣ, аз ҷумла раводид ва шиноснома омода намуда, муҳоҷирон бо истифода аз онҳо марзи Мексикаро убур карда, ба ИМА ворид мешуданд.
Назари худи гумонбарон ва вакили дифоашон дар ин бора дастрас нест.
Парвандаи Раҳматов ва Ҳоиҷиевро, FBI баррасӣ дорад ва дар сурати исбот шудани гуноҳи онҳо дар додгоҳ исбот шавад, ҳар кадоми онҳо метавонанд то 10 сол аз озодӣ маҳрум шаванд.
Бино ба иттилои расонаҳо, шумораи зодагони Тоҷикистон дар ИМА тақрибан ба 16 ҳазор нафар расида, аз моҳи октябри соли 2020 то сентябри соли 2024 ҳудуди 825 нафари онҳо боздошт, ки аз онҳо 103 нафар ба ҳабс гирифта шуда, 88 каси дигар ихроҷ шудаанд.
