Раисҷумҳури худкомаи Тоҷикистон Эмомалӣ Раҳмон бо Президенти Ҷумҳурии исломии Эрон Масъуди Пизишкиён баъди ҷанги 12-рӯзаи Исроилу Эрон мулоқот кард.
Мулоқоти ҷонибҳо 4-уми июли соли ҷорӣ, дар шаҳри Хонкендии Ҷумҳурии Озарбойҷон дар ҳошияи нишасти “Созмони ҳамкории иқтисодӣ” баргузор гардида, Раҳмонов ва Пизишкиён ҳамкориҳои дуҷониба ва мавзуҳои рӯзномаи ин нишастро мавриди баррасӣ қарор додаанд.
Эмомалӣ Раҳмон зимни мулоқот аз алоқомандии Тоҷикистон ба таҳкиму густариши беш аз пеши робитаҳои гуногунҷанба бо Ҷумҳурии исломии Эрон гуфта, дар робита ба ҳодисаҳои ахир дар Эрон рухдода, ҳамдардии худаш ва мардуми Тоҷикистонро ба мардуми Эрон иброз доштааст.
Сарони ду кишвар аз сатҳи кунунии муносибатҳои Тоҷикистону Эрон изҳори қаноатмандӣ намуда, ба рушди мусбати онҳо ишора карданд ва зарурати иҷрои фаъолонаи созишномаҳои қаблан бадастомадаро таъкид кардаанд.
Ҳамчунин дар ин мулоқот фаъолияти нерӯгоҳи барқи обии “Сангтуда-2”, ки бо сармоягузории беш аз 180 миллион доллари Эрон сохта шудаааст ва ҳалли масъалаҳои вобаста ба он ҳамчун ҳамкории муваффақи Тоҷикистону Эрон арзёбӣ шудааст.
Эмомалӣ Раҳмон ҳамзамон бо нахуствазири Покистон Шаҳбоз Шариф ва раисҷумҳури Озарбойҷон Илҳом Алиев низ мулоқот кардаааст.
Созмони ҳамкориҳои иқтисодӣ як ташкилоти минтақавии байнидавлатӣ буда, соли 1985 таъсис шудааст. Давлатҳое чун Туркия, Покистон, Эрон, Афғонстон, Озарбойҷон, Узбекистон, Қазоқистон, Қирғизистон, Тоҷикистон ва Тоҷикистон узви он ҳастанд.
