Имрӯз, 24-уми июли соли 2025, як ҳавопаймои мусофирбари Антонов Ан-24, ки ба ширкати Angara Airlines тааллуқ дошт, дар минтақаи кӯҳии Амури Русия, наздикии шаҳри Тинда суқут кард.
Ба қавли расонаҳои раусӣ, ин ҳавопаймо дар масири Благовешенск-Тинда ҳаракат мекард ва дар дохили он 49 нафар вуҷуд дошт, ки дар байни онҳо 43 мусофир (аз ҷумла панҷ кӯдак) ва 6 узви экипаж қарор доштанд.
Бар асоси гузоришҳои расонаҳо, ҳавопаймо ҳангоми кӯшиши дуюми фурӯд омадан дар шароити обу ҳавои номусоид аз радар нопадид шуд. Пас аз чанд соат лошаи ҳавопаймо ва пораҳои сӯхтаи он пайдо гардиданд. Мақомоти расмӣ тасдиқ карданд, ки ҳеҷ кас зинда намондааст.
Ҳавопаймои мазкур соли 1976 сохта шуда буд ва 50 сол умр дошт. Сабабҳои эҳтимолии фоҷиа, аз ҷумла фарсудагии техникӣ ва хатои инсонӣ баррасӣ мешаванд. Муфаттишон таҳқиқоти ҷиноиро оғоз кардаанд.
Ин фоҷиа бори дигар масъалаи истифодаи ҳавопаймоҳои кӯҳна дар хатсайрҳои дохилии Русия ва сатҳи амнияти авиатсионӣ дар минтақаҳои дурдастро зери савол бурдааст.
