19.9 C
Dushanbe

Машқҳои муштараки низомӣ байни Покистону Тоҷикистон

Байни нерӯҳои артиши Покистону Тоҷикистон бо ҳадафи мубориза бо терроризм машқҳои муштараки низомӣ баргузор шуд.

Бино ба иттилои расонаҳои кишвар, ин машқҳои муштараки низомӣ байни ду кишвар дар гарнизони Хатлон дар майдони омӯзишии “Фахробод” таҳти унвони “Дӯстӣ-2025” баргузор шуд.

Дар ин машқҳо тақрибан сад низомӣ, аз ҷумла воҳидҳои таъиноти махсус, қисмҳои десантӣ-штурмӣ ва нерӯҳои заминӣ, ҳунару маҳоратои худро дар мубориза бо терроризм ба намоиш гузоштанд.

Гуфта мешавад, дар барномаи машқҳо истифодаи аслиҳаи муосир, муҳимот ва таҷҳизоти пешрафтаи низомӣ истифода шудааст. Омодагии ҷисмӣ ва равонии иштирокчиён дар шароити кӯҳӣ ва муҳитҳои мураккаб санҷида шуд, ки ба боло бурдани ҳамоҳангсозӣ ва таҷрибаи амалӣ миёни ҳарду кишвар мусоидат намуд.

Ин машқҳо на танҳо майдони омӯзиши ҳарбӣ, балки рамзи ҳамкории наздик ва робитаҳои дӯстонаи ду давлат дониста шудааст. Дар поёни чорабинӣ фаъолон бо медалҳо, ифтихорномаҳо ва туҳфаҳои хотиравӣ қадрдонӣ шуданд.

Бояд гуфт, ки машқҳои низомии Тоҷикистон одатан бо кишварҳои собиқи Иттиҳоди Шӯравӣ баргузор мешаванд. Ҳамкорӣ бо кишваре чун Покистон дар чунин тамринҳо хеле кам рух медиҳад ва бештар хусусияти рамзӣ дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боҷи 100 дарсадӣ — посухи Трамп ба назоратҳои нави Чин бар металҳои нодир

Доналд Трамп эълон кард, ки аз 1-уми ноябр ба ҳамаи молу маҳсулоте, ки аз Чин ворид мешаванд, 100 дарсад боҷ ҷорӣ хоҳад кард.

Хотимаи ҷанги Покистону Толибони Афғонистон

Шаби 11 ба 12-уми октябри соли ҷорӣ миёни нерӯҳои марзбонии Покистон ва Толибони Афғонистон задухӯрдҳои шадид рух доданд.

ҲАМОС 20 асирро зинда ба Исроил супорид

Мувофиқи бандҳои тарҳи оташбас субҳи рӯзи душанбе, 13-уми октябр ҲАМОС 20 асири исроилиро ба намондагони Салиби Сурх таҳвил дод.

Боздошти як сокини пойтахт ҳангоми фурӯши маводи мухаддир

Раёсати Вазорати корҳои дохилии Тоҷикистон дар шаҳри Душанбе аз иҷрои як амалиёти махсус бар зидди маводи мухаддир хабар дод.