19.9 C
Dushanbe

Ҷарима барои “ахбори ғалат” қонунӣ шуд

Ахиран раисҷумҳури Тоҷикистон зери беш аз 20 қонуне имзо гузошт, ки ҳарду палатаи Маҷлиси Олии кишвар баъди ворид кардани тағйиру иловаҳо таъйид кардаанд. Хабаргузории “Авесто” ба нақл аз дафтари матбуоти раиси ҷумҳурии Тоҷикистон дар ин бора хабар додааст.

Ҳамзамон бо имзои ин қонунҳо ба қонуни буҷети давлатӣ ҳам тағйирот ворид карда шуд, ки тасмими ҳукумат мабнӣ ба паёмадҳои COVID-19-ро қонунӣ кард.Таъсири номатлуби авоқиби иқтисодиву иҷтимоии пандемияи COVID-19 давлатро ногузир барои вогузории як идда имтиёзҳо кард, ки бар пояи онҳо соҳибкорони инфиродӣ ва хадамоти тиббиву иҷтимоӣ аз пардохти як қисми андоз муваққатaн озод шуданд.

Ёдовар мешавем, ки  ҳаҷми ҷаримаи муқарраршуда ба афроди бидуни ниқоби тиббӣ дар давраи режими пандемия аз 116 то 290  сомонӣ ва барои нашру пахши “ахбори ғалат” тавассути васоити ахбори умум дар бораи пандемия ҷарима аз 580 сомонӣ барои шахсони воқеӣ ва то 11.600 сомонӣ ба шахсони ҳуқуқӣ пешбинӣ шудааст. Аммо “ислоҳот” барои нашри “ахбори носаҳеҳ” ва ҷорӣ кардани ҷарима аз тарафи маҳофили дохилӣ ва байналмилалии ҳомиёни озодии матбуот ба шиддат мавриди интиқод қарор дода шуд ва қабл аз имзои он аз тарафи раиси ҷумҳур, Хабарнигорони бидуни марз ва Кумитаи дифоъ аз рӯзноманигорон аз Эмомалӣ Раҳмон хоста буданд, ки имзо накунад.

Ҳамчунин дар як паёми хос Вазорати умури хориҷаи Амрико ҳам аз Раҳмон тақозо кард, зери ин ислоҳот, ки боиси ҷорӣ шудани сензура дар матбуот мешавад, имзо накунад. Бо ин ҳол ин қонунҳо баъди чоп дар “Ҷумҳурият”-нашрияи расмии ҳукумати Тоҷикистон ба ҳукми иҷро медароянд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Эмомалӣ Раҳмон ба Қирғизистон меравад

Президенти Тоҷикистон Эмомалӣ Раҳмон рӯзи 12-уми март бо як сафари расмии дурӯза ба Ҷумҳурии Қирғизистон меравад.

Таҳқиқи боз як хонаводаи тоҷик дар Русия барои гирифтани манзил

Кумитаи тафтишотии Русия таҳқиқоти наверо дар мавриди соҳиби манзил шудани як хонаводаи ниёзманди тоҷик дар Ҷумҳурии Тотористон оғоз кардааст.

Чаро ҳукми зиндони Абдураҳим Восиев барои 7 соли дигар дароз шуд?

Мақомоти Тоҷикистон ҳукми Абдураҳим Восиев, зиндонии сиёсӣ ва узви созмони "Ҷавонон барои эҳёи Тоҷикистон"-ро барои ҳафт соли дигар дароз кард.

Афғонистон аз Тоҷикистон хост силоҳу муҳиммоти ҷангияшро бозгардонад

Низомиёни собиқи Афғонистон бори дигар аз Тоҷикистон хостанд, ки аслиҳа ва муҳиммоти низомии ин кишварро бозгардонад.