Имрӯз панҷшанбе 29 октябр дар наздикии як калисо дар шаҳри Нисаи Фаронса марде бо корд бар чанд нафар ҳамла кард, ки боиси кушта ва захмӣ шудани чанд нафар гаштааст.
Полиси Фаронса мегӯяд, ки ҳадди аққал ду нафар кушта шудаанд. Аммо хабаргузории ВВС аз кушта шудани 3 тан иттилоъ дод.
Тибқи иттилои расонаҳои маҳаллии Фаронса, полис дар ҷои ҳодиса ҳузур дошт ва ҳамлагар боздошт шудааст.
Полис инчунин эълом дошта, ки ба ҷои ҳодиса гурӯҳи зудамал ва мутахассисони минаёб фиристода шудаанд.
То ҳол дар мавриди марди гумонбар маълумоти дақиқ нашр нашудааст.
Ин хабар дар ҳоли такмилёбист.
