31.9 C
Dushanbe

Шумори муҳоҷирон дар баъзе манотиқи Русия қариб 39% кам шудааст

Сурат: migrantnews

Шумори муҳоҷирони хориҷие, ки дар минтақаи мухтори Хантӣ-Мансиискии Русия кор мекарданд, дар соли 2020 ба маротиб коҳиш ёфтааст. Ин коҳишёбии муҳоҷирон то охири соли 2020 тақрибан 30 ҳазор нафарро ташкил хоҳад дод, ки нисбат ба охири соли 2019 қариб 39% камтар аст.

Ба иттилои ТАСС иллати коҳиши муҳоҷирони корӣ дар ин минтақаро Валерий Беспояско, директори идораи меҳнат ва шуғли аҳолии Угра ба шуюъи вируси нав рабт медиҳад.

“То 1 январи соли 2020 дар Угра 49.075 шаҳрвандон кор мекарданд. Мувофиқи маълумоти Раёсати меҳнат ва шуғли минтақаи мухтори Хантӣ-Мансииск, шумораи коргарони хориҷӣ дар Угра то охири соли 2020 тақрибан 30 ҳазор нафарро ташкил хоҳад дод. Иллати коҳиши теъдоди коргарони хориҷӣ ба чораҳои маҳдудкунии вуруди шаҳрвандони хориҷӣ ба Русия вобаста аст, ки барои пешгирӣ аз сирояти коронавирус равона шудааст “, – мегӯяд Беспояско ба ТАСС.

Дар ин нӯҳ моҳи соли 2020, асосан шаҳрвандони Тоҷикистон, Узбекистон, Украина, Қирғизистон ва Озарбойҷон барои кор дар Угра ҷалб шудаанд. Ин шаҳрвандони хориҷӣ дар бахшҳои сохтмон, истихроҷи маъдан ва тиҷорат кор мекардаанд.

Гуфта мешавад, ки шуюъи вируси нав дар Угра аз 17 сентябр ба қайд гирифта шудааст. Ҳоло дар минтақа реҷаи ҳатмии худинзиво барои пиронсолон, занони ҳомила ва шахсони гирифтори бемориҳои музмин то 1 январи соли 2021 тамдид карда шуда аст.

Тибқи маълумоти Ситоди фаврии минтақавӣ, то 16 ноябр дар Угра 31454 ҳолати сирояти коронавирус ба қайд гирифта шудааст. Ин минтақа дар Русия аз рӯи шумораи умумии сирояти коронавирус дар ҷои ҳаштум қарор дорад.

Имсол дар пайи шуюъи коронавирус муҳоҷирони зиёде аз Тоҷикистон натавонистанд барои кор ба Русия сафар кунанд ва қисме ҳам дар ин кишвар кори худро аз даст доданд. Баъд аз интишори каронавирус дар таоми дунё давлатҳо дарҳои худро бар рӯи ҳамдигар бастанд ва равуои муҳоҷирон душвор гашт.

Муҳоҷирони тоҷике, ки ба ҳар сурате аз Русия ба ватан баргаштанд, то вазъият муътадил нашавад, дигарбора ба он кишвар сафар карда наметавонанд. Русия ҳам баъд аз чанд моҳи қатъи парвозҳо, марзҳои худро дигарбора боз кард ва парвозҳояшро бо давлатҳои Осиёи Марказӣ аз сар гирифт. Аммо бо далолили номаълум то ҳол бо Тоҷикистон парвозҳои маъмулӣ танзим нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.