31.9 C
Dushanbe

Вокуниши Кумитаи дини Тоҷикистон ба изҳороти Вазорати хориҷии Амрико

Бино ба навиштаи хабаргузории ҳукуматии “Ховар” Кумитаи дин, танзими анъана ва ҷашну маросими назди ҳукумати Тоҷикистон ба изҳороти Вашингтон, ки Тоҷикистонро дар радифи давлатҳои нақзкунандаи ҳуқуқу озодиҳои динӣ ворид кардааст, вокуниш нишон дода, изҳори нигаронӣ кардааст.

Дар ин изҳорот Кумита норозигии худро дар бораи гузориши ИМА, барои баҳогузории озодиҳои динӣ дар Тоҷикистон баён дошта, онро ғайривоқеӣ хондааст.

“Кумитаи дин, танзими анъана ва ҷашну маросими назди ҳукумати Тоҷикистон дар гузашта низ изҳор дошта буд, ки чунин гузоришҳо асоси воқеӣ надошта, сарчашмаи онро матбуоти ғайрирасмӣ ташкил медиҳад ва имрӯз низ қотеона ҳамин мавқеъро баён медорад”, – омадааст дар изҳорот.

Кумитаи дини Тоҷикистон мегӯяд, гузоришҳои солонаи Депортаменти давлатии Амрико ва Комиссияи байналмилалӣ оид ба озодиҳои мазҳабӣ дар мавриди озодиҳои динӣ дар Тоҷикистон тақрибан бетаҳрир ва якранг интишор мешаванд.

“Ҷониби Кумита борҳо дархост намуда буд, то як комиссияи вижа ба Тоҷикистон сафарбар шуда, аз вазъи воқеии фазои динӣ ва бурду бохти кишвари мо дар ин арса ошно гардидаву дар ин замина гузоришҳои воқеӣ таҳия намояд. Зеро агар аз рӯи адолат ва воқеият назар намоем, Тоҷикистон дар солҳои соҳибистиқлолии худ ба як силсила дастовардҳо дар соҳаи дин ноил гардидааст, ки нодида гирифтани ин дастовардҳо ва шомил кардани кишвари мо ба рӯйхати давлатҳое, ки дар онҳо озодиҳои диниву маҳзабӣ комилан нақз мешаванд, камоли беинсофист”, – омадааст дар изҳороти Кумита.

Ёдовар мешавем, ки рӯзи гузашта Вашингтон дар як гузориш дар бораи озодиҳои мазҳабӣ Тоҷикистонро бори дигар дар рӯйхати кишварҳои нақзкунандаи озодиҳои динӣ ва мазҳабӣ ворид кардааст.

Дар баробари Тоҷикистон низ давлатҳои Эрон, Чин, Кореяи Шимолӣ, Мянма, Нигерия, Покистон, Арабистони Саудӣ, Туркманистон ва Эритерия ба рӯйхати кишварҳое шомил шудаанд, ки ба гуфтаи Вашингтон, ба таври пайваста озодиҳои мазҳабиро поймол мекунанд.

Ҳамчунин Кумиссиюни Иёлоти Муттаҳидаи Амрико оид ба озодиҳои динӣ моҳи майи соли 2019 бо нашри гузориши солонааш дар бораи озодиҳои мазҳабӣ гуфта буд, ки дар Тоҷикистон мақомот соли 2018 ҳамаҷониба эътиқоду бовариҳои мардумро назорат мекарданд.

Ҳамасола Амрико ва дигар созмонҳои ҳуқуқи башар аз вазъияти нохуби масоили динию мазҳабӣ ва танг шудани ҳуқуқу озодиҳои диндорон дар Тоҷикистон нигаронӣ мекунанд, аммо аз ҷониби ҳукумати Тоҷикистон, хусусан Кумитаи дин, ҷашну маросим ва ё маркази Шурои уламо вазифадор мешаванд, ки ба чунин гузоришҳо рад бинависанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.