28.9 C
Dushanbe

Дар Тоҷикистон нишастҳои матбуотии вазорату идораҳо оғоз мешавад

Аз 1-уми феврали соли ҷорӣ дар Тоҷикистон нишастҳои матбуотии вазорату идораҳои давлатӣ, ки тибқи анъана ҳар шаш моҳ пас баргузор мешавад, шуруъ мешавад.

Барои рӯзноманигорон, аз ҷумла васоити ахбори оммаи мустақил, ин ягона фурсати мустақиман ба саволҳои худ посух гирифтан аст.

Одатан, дар чунин нишастҳои матбуотии пешбинишуда масъулини вазорату идораҳо, инчунин муовинони онҳо ва сардорони раёсатҳо ширкат мекунанд.

Ин нишастҳои матбуотӣ вақти маҳдуд доранд. Нишастҳо одатан на бештар аз як соат давом мекунанд ва ҳолатҳое буданд, ки сардорони баъзе шӯъбаҳо аксар вақт изҳоротҳои матбуотиро хонда, барои саволҳо вақт намегузоштанд.

Баъзе роҳбарони бахшҳои алоҳида барои рӯзноманигорон дастрастаранд ва вақти нишасти матбуотиро дароз мекунанд, то саволҳо беҷавоб намонанд.

Тибқи ҷадвале, ки Дастгоҳи Президент тасдиқ кардааст нишастҳои матбуотӣ 1 феврал оғоз ёфта, 19 феврал ба поён мерасанд.

Ёдовар мешавем, ки нишастҳои матбуотӣ аз 15 сентябри соли 2011 тибқи фармони Президенти Ҷумҳурии Тоҷикистон баргузор мешаванд. Қаблан онҳо ҳар семоҳа баргузор мешуданд, аммо тайи чанд соли ахир нишастҳои матбуотӣ дар ҳар шаш моҳ як маротиба баргузор мегарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.