33.9 C
Dushanbe

Кушта шудани 10 нафар дар натиҷаи ҳамлаи як муҳоҷим ба супермаркете дар Колорадаи Амрико

Марде ба супермаркете дар иёлоти Колорадои ИМА ворид шуда, ба сӯи муштариён тир холӣ кард ва ҳадди ақалл 10 нафарро кушт. Гуфта мешавад, ки як афсари полис дар байни қурбониёни ҳамлаи хунин низ будааст. Ҳамлагар боздошт шудааст.

Бино ба иттилои хабаргузории (DW) cардори полиси Боулдер Марис Ҳеролд тайид карда, ки яке аз афсарони ӯ ҳангоми мубодилаи оташ байни ҳамлагар ва полис кушта шудааст.

Пас аз тирпарронӣ дар як филиали шабакаи супермаркетҳои “Кинг” полис барои боздошти ҳамлагар даст ба амалиёт зад ва хамлагарро боздошт намуд. Ин ҳамла баъд аз зӯҳри рӯзи душанбеи 22 март бо вақти маҳаллӣ сурат гирифтааст.

Гуфта мешавад, ки ҳамлагар аз ноҳияи пой маҷрӯҳ шудааст. Полиси шаҳри Боулдер дар бораи ин ҳамла тавзеҳи бештаре ба расонаҳо надодааст.

Сухангӯи Кохи Сафед Ҷен Псаки дар Твиттер навишт, ки Ҷо Байден аз ин ҳодиса огоҳ аст ва қазияро зери назорат гирифтааст. Губернатори полиси Колорадо Ҷаред ин ҳамларо “офати бемаънӣ” номид.

Иёлоти Муттаҳидаи Амрико ҳафтаи гузашта низ шоҳиди чунин ҳамла буд. Марде ба як толори массаж оташ кушод, ки боиси кушта шудани ҳашт нафар шуда буд, шаш нафар аз қурбониён занони осиёитабор буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.