35.9 C
Dushanbe

Мотами умумӣ дар Афғонистон

Раисҷумҳури Афғонистон дар пайи ҳамлаи террористӣ ба донишомӯзони мадрасаи Сайиду Шуҳадо дар ғарби Кобул имрӯз (11- май)-ро азои умумӣ эълом кард.

Тибқи иттилои хабаргузории “Спутник” Ашраф Ғанӣ раисҷумҳури Афғонистон гуфт, ки мардуми кишвар ҳамчунон дар сӯги шуҳадои ин ҳодиса ба сар мебарад ва дар тамоми дастгоҳҳои иҷроӣ барои қурбониёни ин ҳамла маросими фотиҳахонӣ баргузор хоҳад шуд.

Рӯзи шанбе бар асари инфиҷори террористӣ муқобили мадрасаи духтаронаи Сайиду Шуҳадо дар ғарби Кобул 85 тан кушта ва беш аз 150 нафари дигар маҷруҳ гардидаанд. Ҳодисаи террористии мадрасаи духтарона дар ғарби Кобул дуруст дар остонаи хуруҷи нерӯхои ИМА аз Афғонистон сурат мегирад.

Ёдовар мешавем, ки ахиран гурӯҳи Толибон дар Афғонистон се рӯз оташбас эълом кард.

Муҳаммад Наим Урдук сухангӯи дафтари сиёсии Толибон дар Қатар эълом кард аъзои ин гурӯҳ дастур гирифтаанд, ки аз рӯзи аввал то рӯзи саввуми иди Фитр ҳамалоташонро ба нерӯҳои давлатӣ мутаваққиф кунанд.

Давлати Афғонистон ҳамчунон Толибонро масъули ҷинояти рӯзи шанбе дар Кобул медонад, ки дар онҷо 85 тан, ки бештар донишомӯзони як мадрасаи духтарона буданд кушта ва 150 нафари дигар захмӣ шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.