-1.1 C
Dushanbe

Русия: Ҷалби муҳоҷирони корӣ ба тарҳҳои роҳсозӣ

Путин аз норасоии потенсиали корӣ дар бахши сохтмон ва роҳсозӣ изҳори норизоиятӣ карда, таъкид намуд, ки ба ин тарҳҳо муҳоҷирони корӣ аз кишварҳои Осиёи Марказӣ ҷалб карда шаванд.

7-уми июл Владимир Путин, президенти Русия дар мулоқот бо аъзои ҳукуматаш пас аз шунидани гузоришҳо дар бораи рушди инфрасохтор, аз ҷумла магистрали Байкалу Амур (БАМ) ва Транссиб изҳор дошт, ки агар дар сохтмонҳо қувваи корӣ намерасад, пас шаҳрвандони ҷумҳуриҳои Осиёи Марказӣ дар он метавонанд кор кунанд. Менависад РИА Новости.

Путин таъкид кард, ки бо ин роҳ ҳам муҳоҷирон метавонанд пул кор кунанд ва ҳам инфрасохтор рушд кунад. “Агар коргарон аз Осиёи Марказӣ ба сохтмонҳои нақлиётӣ қаблан ҷалб карда мешуданд, ҳоло ҳамаи иншоотро ба кор даровардан мумкин буд ва кишвар ба қадри зарурӣ фоида ба даст меовард,”- гуфт Путин.

Инчунин дар ҷараёни маҷлис ӯ аз муовини сарвазири Русия Марат Хуснуллин хост, барои ба анҷом расонидани лоиҳаҳои сохтмонӣ ҳарчи зудтар чораҳо андешанд ва нархҳоро аз наздик назорат кунанд.

Пештар ҳукумати Русия барои норасоии нерӯи корӣ дар Транссибир ва БАМ ҷиҳати таъмини кор истифода аз 11 000 зиндониёнро ба ин тарҳҳо баррасӣ кард. Ва Хадамоти федералии иҷрои ҷазои Русия низ пешниҳод карда буд, ки муҳоҷирони меҳнатӣ бо зиндониён иваз карда шаванд.

Марти соли 2020 Вазорати сохтмони Федератсияи Русия дар бораи нарасидани тақрибан 1 миллиону 200 ҳазор коргар дар бахши сохтмон хабар дода буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Радиои Озодӣ соҳибони Net Solutions-ро дар Тоҷикистон ошкор кард

Санадҳои ёфтаи Радиои Аврупои Озод/Радиои Озодӣ нишон медиҳанд, ки...

Омили террори генерали рус аз муҳоҷирони Осиёи Марказӣ будааст

Мақомоти Русия аз боздошти як шаҳрванди узбекистонӣ хабар доданд, ки дар террори генерли 54-солаи рус гумонбар мешавад.

Набераи раисҷумҳури Тоҷикистон дар 9-солагӣ аз Дубай хона харид. Бо кадом маблағ?

Набераи 9-солаи Эмомалӣ Раҳмон дар минтақаи соҳилибаҳрии Дубай як хонаи сеҳуҷрагӣ харидааст, ки арзиши он 1,3 миллион доллар аст.

Фишор болои пайвандони узви фаъоли “Гурӯҳи 24”

Эмомалӣ Раҳмон бо гузашти беш аз як моҳ аз ирсоли Лоиҳаи Қонуни ҶТ "Дар бораи афв" ба Дастгоҳи риёсати ҷумҳрӣ ҳанӯз онро имзо накардааст.