35.9 C
Dushanbe

Эълони оташбас байни Ҷиҳоди исломӣ ва Исроил дар Навори Ғазза

Аз соати 23:30-и рӯзи якшанбе ба вақти маҳаллӣ байни нерӯҳои исроилӣ ва шиби низомиёни Ҳаракати ҷиҳоди исломии Фаластин оташбас эълон шуд. Ва ҳоло аз оромии нисбӣ гузориш мешавад.

Акс аз “Анадолу”

Тибқи оморҳои расмӣ, дар натиҷаи ҳамлаи серӯзаи Исроил ба Навори Ғазза 44 фаластинӣ – бо шумули 15 кӯдак, 4 зан ва шахсони пиронсол кушта ва 360 нафари дигар захмӣ шудааст. Ҳамчунин даҳҳо хона ва муассисаву идораҳои ҷамъиятӣ ба хок яксон гардид.

Гуфта мешавад, раисҷумҳури Амрико Ҷо Байден аз эълони оташбас ва талошҳои Мисру Қатар барои миёнҷигарӣ ва ором сохтани авзоъ дар Навори Ғазза изҳори сипос кард.

Асри рӯзи ҷумъа, 5-уми августи соли ҷорӣ Исроил бо дастгир кардани яке аз раҳбарони Ҳаракати ҷиҳоди исломӣ Бассом Саъдӣ ба “ҳамлаҳои пешгирона” ба мавзеъҳои ин ҳаракат ҳамла кард. Нерӯҳои исроилӣ инчунин ду раҳбари ин ҳаракатро куштанд. Ҳаркати ҷиҳоди исломӣ низ дар вокуниш ба ҳамлаҳои Исроил садҳо мушак ба хоки Исроил партоб кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.