Александ Лукашенко, Президенти Беларус дар раъси як ҳайъати баландпояи кишвараш бо сафари расмӣ озими Тоҷикистон шуд.
Бино ба иттилои сомонаи Хадамоти матбуоти Президенти Беларус, субҳи имрӯз, 11-уми октябри соли 2022, Презиедети Беларус Александр Лукашенко ба Тоҷикистон сафар кард.
Сафари дурӯзаи раисҷумҳури Беларус ба Тоҷикистон дар ҳоле сурат мегирад, ки Эмомалӣ Раҳмон пас аз сафари ахираш ба Маскав акнун омодагии рафтан ба Остонаро дорад ва дар бораи он ки имрӯз дар Душанбе кӣ ва ё кудом меҳмони олиқадреро пазироӣ мекунад, то замони таҳияи ин хабар расман ҳеч гуна шарҳу тафсиле надодаанд.
Ва инчунин маълум нест дар ин сафар раҳбарони ду кишвар кадом масоили муҳимро баррасӣ хоҳанд кард.
Гуфта мешавад, дар ин чанд рӯзи ахири сафарҳои бархе аз сарони кишварҳои пасошӯравӣ ва зиёрату дидорбинии ҳамтоёни худашон ба мисли “чойгашт” дар бархе деҳот табдил ёфтааст, ки ҳар гоҳе хостанд бо сабаб ва бесабаб баҳонае ёфта ҷое ҷамъ мешаванд.
