-3.1 C
Dushanbe

Одиназода иттиҳоми “ифротгароӣ”-ро дар додгоҳ эътироф кард

Абдусалом Одиназода, олими биохимики 54-солаи тоҷик 1 августи соли 2022 дар додгоҳи ҳавзаи Австралияи Ғарбӣ иттиҳоми “ташвиқ ба ҳамлаҳои террористӣ”-ро эътироф кардааст.

Дар ин бора сомонаи маҳаллии “The West Australian” хабар медиҳад. Гуфта мешавад, бо эътирофи ин иттиҳом ин олими тоҷикро то 6 соли зиндон таҳдид мекунад.

Ин пойгоҳи хабарӣ Абдусалом Одиназодаро “яке аз хатарноктарин одамон дар аёлати Австралияи Ғарбӣ” номида ва хабар дода, ки намояндаи додситонӣ ба додгоҳ гуфтааст, дар ивази ин эътирофи гуноҳ ҳайати тафтишот ду иттиҳоми дигари марбут ба терроризмро аз парвандаи Одиназода бардоштанд.

Эътирофи гуноҳ имкон медиҳад, ки парвандаи олими тоҷик ба сурати сареътар баррасӣ шавад. Ва интизор меравад, ҳукми Одиназода то поёни моҳи ҷорӣ эълон шавад. Ба ӯ бар асоси қонунҳои Австралия то 6 соли зиндон таҳдид мекунад.

Мақомоти Австралия аз моҳи феврали соли 2020 дар пайи ошкор кардани сабтҳои видеоии ӯ бо мазмуни “ташвиқ ба ҳамлаҳои террористӣ ва ифротӣ дар Тоҷикистон” оғоз карданд. Моҳи апрели соли 2020 пулис манзили ӯро дар шаҳри Перт дар ғарби Австралия кофтукоб карда, чанд василаи электронии ӯро мусодира кард. Манзили Одиназода бори дигар рӯзи 22 декабр, дар пайи ҳабси ӯ мавриди кофтукоб қарор гирифт.

, ки аз поёни соли 2020 дар ҳабс қарор дорад, рӯзи 1 августи соли 2022 дар додгоҳи ҳавзаи Австралияи Ғарбӣ иттиҳоми даъватҳо ба ҳамлаҳои ифротиро ба гардан гирифт.

Абдусалом Одиназода 22 декабри соли 2020 пас аз тафтишоти чандмоҳа аз ҷониби полиси федеролии Австралия (AFP) ва Созмони иктишофи амнияти Австралия (ASIO) боздошт шуд.

Худи ҳамон сол расонаҳои австралиёӣ хабар дода буданд, ки додгоҳи ин кишвар бар зидди Одиназода бо 4 моддаи ҷиноии “таблиғи терроризм” айб эълон кардааст.

Одиназода дар асл зодаи ҷамоати Сурхи Исфараи Тоҷикистон буда, дар Донишгоҳи Австралияи Ғарбӣ кор кардааст. Ӯ ҳамчунин соли 2015 дар Донишгоҳи тиббии Тоҷикистон низ ба шогирдон дарс гуфтааст.

Одиназода аз донишмандони муваффақи соҳаи биохимик буда, дар ин ришта таҳқиқоти зиёде дорад, ки дар чандин сомонаҳои расмӣ ва маҷаллаҳои муътабар ба нашр расидаанд.

Ин донишманди тоҷик то рӯзи боздошташ дар шабакаҳои иҷтимоӣ фаъол буд ва ҳамеша аз амалкарди ҳукумат ва мухолифон интиқод мекард. Ӯ вақтҳои охир бо пайравони мазҳаби Исмоилия баҳсҳои гармеро оғоз карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.