5.9 C
Dushanbe

Афзоиши фишорҳои КДАМ болои хонаводаҳои ҳамкорони Иззат Амон

Ҷумъаев Бахтовар, ҳомии ҳуқуқ ва яке аз ҳамкорони Иззат Амон дар “Маркази тоҷикон” хабар дод, ки падарашро беш аз 10 маротиба шуд, ки барои бозпурсӣ аз Панҷакент ба боздоштгоҳи маъруф ба “6-ум отдел”-и шаҳри Душанбе даъват мекунанд.

Ба гуфтаи Ҷумъаев мушкилӣ аз онҷо сар зад, ки 2 апрели соли равон ҷонибдорони Иззат Амон назди сафорати Тоҷикистон дар Маскав даст ба тазоҳурот зада, аз мақомоти кишвар озодии Иззат Амонро талаб карданд. Ва КДАМ-и Тоҷикистон ташкили ин гирдиҳамоиро ба души ӯ бор кардааст, дар ҳоле, ки наворҳояш дар дасти КДАМ ҳаст ва медонад, ки кӣ ин корро ташкил кардааст.

Ӯ дар навораш мегӯяд, намояндагони КДАМ қабл аз тазоҳурот дар Маскав бо ӯ вохӯрданд ва хостанд, ки пеши роҳи мардумро гирад ва нагузорад дар назди сафорат ҷамъ шаванд.

“Ин корро кардам, мардумро нагузоштам ба тазоҳурот раванд, гарчанде онҳо маро суханҳои беҷо зиёд гуфтанд, бо вуҷуди ин КДАМ падару модар ва ҳамсари маро борҳо барои бозпурсӣ ба “6-ум отдел” бурданду бозпурсӣ карданд”.

Бино ба гуфтаи Ҷумъаев, рӯзи гузашта падарашро КДАМ даъват намуда, гуфтаанд, ки писарат либосҳое, ки акси Иззат Амон дар он нақш ёфтааст, ба 200 нафар паҳн кардааст. Аммо худи Бахтовар инро рад мекунад ва мегӯяд, ки мақомот хуб медонад, ки мо дар ин корҳо даст надорем, аммо фишори бемавридашро рӯз то рӯз бештар мекунад.

Сурат: ҳангоми баргузории ярмарка барои таъмини ҷойи корӣ ба муҳоҷирон дар Русия гирифта шудааст.

Ёдовар мешавем, ки рӯзи 25 март ҳомии ҳуқуқи муҳоҷирон Иззат Амон боздошт ва ба Тоҷикистон истирдод шуд, мақомоти тоҷик ӯро бо қаллобӣ муттаҳам намуда, алайҳаш бо моддаи 247 парвандаи ҷиноятӣ боз кардаанд.

Баъд аз боздошти Иззат Амон КДАМ-и Тоҷикистон дӯстон ва ҳамкорони ӯро, ки дар “Маркази тоҷикон” кор мекарданд, пурсуҷӯ кард ва болои хонаводаҳои онҳо фишорро оғоз кард.

ИНЧУНИН, БИХОНЕД: Баъд аз боздошти Иззат Амон (УБОП) фишор болои ҳамкоронашро оғоз кадааст; Иззат Амон барои муҳоҷирон ҷойи кор мекобад

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.