36.9 C
Dushanbe

Афзоиши 30%-и ҳаҷми савдо миёни Тоҷикистону Афғонистон

Ҳаҷми гардиши мол миёни Тоҷикистон ва Афғонистон дар моҳҳои январ-майи соли ҷорӣ ҳудуди 36,3 миллион долларро ташкил дод, ки нисбат ба ҳамин давраи соли 2021 қариб 30% бештар аст.  

Ба гузориши хабаргузори “Asia-Plus” дар истинод ба Агении омори Тоҷикистон, ҳудуди 97 дарсади ҳаҷми савдои дуҷониба дар ин давра содироти маҳсулоти Тоҷикистон ба Афғонистон ташкил додааст.

Маҳсулоти асосии содиротии Тоҷикистон ба Афғонистон иборат аз интиқоли барқ ​​боқӣ монда, семент ва баъзе навъҳои маҳсулоти хӯрока ва кишоварзӣ аст ва тақрибан нисфи гардиши мол миёни ду кишварро пули содироти барқ ташкил медиҳад.  

Дар ҳоле аз афзоиши ҳаҷми савдо миёни Тоҷикистону Афғонистон гуфта мешавад, ки баъд аз сари қудрат омадани Толибон дар Афғонистон то кунун расман ҳеч кившаре дар дунё ҳукумати онҳоро эътироф накардааст. Тоҷикистон низ чандин маротиба расман зидди Толибон мавқеъ гирифта буд.

Гуфта мешавад, дар давоми раҳбарии Толибон дар Афғонистон, бархилофи мавқеъгириҳои расмӣ, доду гирифтҳои тиҷоратӣ ва транзитии Тоҷикистону Афғонистон, бахусус интиқоли молу колоҳои тиҷоратии мансуб ба домодҳо ва наздикону пайвандони Эмомалӣ Раҳмон ҳам нисбат ба гузашта дар ин масир афзоиш доштааст. Афғонистон дар миёни кишварҳои воридкунандаи маҳсулоти Тоҷикистон дар мақоми ҳаштум қарор дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 7 нафар кушта ва ду каси дигар захмӣ шудааст.

Эмомалӣ Раҳмон писари Аҳмадшо Масъудро аз Душанбе ронд

Бархе расонаҳои афғонистонӣ хабар доданд, ки мақомоти Тоҷикистон дафтари Ҷабҳаи муқовимати миллии Афғонистонро дар Душанбе бастааст.

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.