32.9 C
Dushanbe

Афзоиши сармоягузориҳои Кореаи Ҷанубӣ дар Тоҷикистон

19-уми октябри соли ҷорӣ дар шаҳри Душанбе Вазири рушди иқтисод ва савдои Тоҷикистон Завқи Завқизода бо муовини вазири корҳои хориҷии Кореяи Ҷанубӣ оид ба масъалаҳои иқтисодӣ Ли Сон Хо мулоқот кард.

Бино ба иттилои Вазорати рушди иқтисод, ин нишаст дар ҳошияи чаҳорумин ҷаласаи Комиссияи байниҳукуматии Тоҷикистон ва Ҷумҳурии Корея оид ба ҳамкориҳои иқтисодӣ ва илмию техникӣ баргузор шуд.

Зимни мулоқот Вазир Завқизода гуфтааст, ки ҳарчанд тиҷорати дуҷониба дар нӯҳ моҳи соли ҷорӣ афзоиш ёфтааст, аммо бо назардошти доираи васеи муносибатҳои ду кишвар ҳаҷми он қонеъ кунанда нест. Аммо ягон оморе оварда нашудааст.

Гуфта мешавад, дар ин мулоқот пешниҳод карда шудааст, ки бо ҷалби сармоягузории Корея корхонаҳои муштараки саноатӣ оид ба истеҳсоли маҳсулоти нассоҷӣ, алюминий, электрикӣ ва хӯрокворӣ бо истифода аз иқтидорҳои мавҷудаи дуҷониба дар минтақаҳои озоди иқтисодии Тоҷикистон таъсис дода шаванд.

Ҷониби Корея гуфтааст, ки барои тақвияти ҳамкориҳо бо Ҷумҳурии Тоҷикистон маблағгузориро зиёд мекунад.

Ҳамчунин имрӯз 20-уми октябр Завқизода Завқӣ бо Вазири корҳои хориҷӣ ва тиҷорати берунаи Ҷумҳурии Маҷористон Петер Сиййарто мулоқот намуда, дар он дар бораи ҳамкориҳои иқтисодӣ, таъсиси корхонаҳои муштарак дар минтақаҳои озоди иқтисодӣ бо мақсади истеҳсоли маҳсулоти нассоҷӣ, коркарди маҳсулоти кишоварзӣ ва доруворӣ суҳбат кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.