32.9 C
Dushanbe

Афзоиши шикояти мардон аз занон дар Тоҷикистон

Дар Тоҷикистон шикояти мардон аз зӯргӯии ҳамсаронашон зиёд шудааст. Танҳо дар соли 2021 дар кишвар 548 далели зӯроварии занон нисбат ба мардон ба қайд гирифта шудааст.

Акс аз “Asia-Plus”

Ба гузориши “Asia-Plus” раиси Кумитаи занон ва оилаи назди Ҳукумати Тоҷикистон Ҳилолбӣ Қурбонзода имрӯз 14-уми феврал дар нишасти матбуотӣ ба хабарнигорон гуфт, ки дар як соли охир тибқи маълумоти Вазорати корҳои дохилӣ дар маҷмӯъ дар ҷумҳурӣ 3485 ҳодисаи зӯроварӣ дар оила ба қайд гирифта шудааст, ки нисбат ба ҳамин давраи соли 2020 176 ҳолат ҳолат кам мебошад.

Ӯ дар идома зикр кард, ки аз 3485 ҳолати шикояти хушунати оилавӣ дар 548 ҳолат мардон аз хушунати ҳамсарашон шикоят кардаанд.

Дар ҷомеаи Тоҷикистон ҳолатҳои шикояти мардон аз зӯргӯии ҳамсаронашон хеле нодир аст ва шикоят ба мақомот аз хушунати занро аксари мардон намепазиранд.

Дар аксар ҷомеаҳои мардсолори шарқӣ шикояти мардон аз занон ор дониста мешавад, вале солҳои ахир дар кишварҳои арабӣ ва исломӣ шикоятҳои мардон аз зӯроварии ҳамсаронашон афзоиш ёфтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.