20.9 C
Dushanbe

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.

Ба иттилои расонаҳо, ин ҳамон минтақаест, ки аҳолии Ғазза аз дигар манотиқи ҷангзада ба онҷо паноҳ оварда буданд ва макони амн маҳсуб мешуд. Ҳамзамон расонаҳои маҳаллӣ аз кушта шудани даҳҳо нафари дигар дар минтақаҳои гуногуни Ғазза, ки субҳи имрӯз бомборон шуданд, хабар доданд.

Исроил шоми рӯзи якшанбе ин минтақаи серодамро бомборон кард, ки дар натиҷа хаймаҳоои оварагон оташ гирифтанд ва 45 нафар сӯхта ва кушта шуда, даҳҳо нафари захмӣ шуданд. Расонаҳои ҷаҳон ин ҳамларо “Қатлгоҳи оворагон” ном ниҳоданд.

Ожонси имдодрасонӣ ва корёбӣ ба оворагони фаластинии Созмони Миллали Муттаҳид (UNRWA) мегӯяд, ин бомборонҳои шадид дар ҳоле анҷом мешаванд, ки давоми се ҳафтаи ахир зиёда аз 1 миллион нафар аз ин минтақа ба манотиқи дигар фирор кардаанд.

Қарор аст рӯзи сешанбе Исроил тарҳи нави оташбас ва мубодилаи асиронро ба миёнҷигарон бисупорад. Дар ҳамин ҳол расонаҳои исроилӣ хабар медиҳанд, ки Бинёмин Натанёҳу, сарвазири ин кишвар дар пайи барҳам задани Ситоди ҷанг аст. Чанде пеш Бени Гантс, узви Шӯрои амният ва вазири дифои Исроил барои канор рафтан аз эътилофи ҳукумати Натанёҳу ба ӯ ҳушдор дода буд, ки дар ҳоли ба итмом нарасондани ҷанг то 8-уми июн истеъфо хоҳад дод.

Ёдовар мешавем, ки давоми 235 рӯзи ҷанг дар Ғазза, мувофиқи иттилои Вазорати беҳдошти Фаластин, то кунун 36 ҳазору 100 нафар ва кушта шудаанд, ки аксари онҳоро кӯдакону занон ташкил медиҳанд ва ҳамчунин наздики 81 ҳазору 200 нафар захмӣ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.