Агентии омори Тоҷикистон меӯяд ҳеч соҳа аз буҷа пули пешбинишударо нагирифтааст. Дар ин бора “Sputik” хабар дод. Ба навиштаи ин хабаргузорӣ дар 6 моҳи аввали соли равон бахшҳои давлатӣ дар Тоҷикистон сад дарсади пулеро, ки дар буҷаи давлатӣ пешбинӣ шуда буд, пурра дастрас накарданд.
Агентии омори Тоҷикистон тавзеҳ дод, ки бахшҳои давлатӣ ба ҳисоби миёна дар сатҳи 64%-и нақша аз буҷаи давлатӣ маблағгузорӣ шуданд.
Тибқи иттилои ин ниҳод хатто барои бахши тандурустӣ бо назардошти пандемияи коронавирус, 66,9 миллион доллар равона шудааст, ки ин нисбати нақша 25 миллион доллар кам ва танҳо 72,7%-и пули дар нақша буда мебошад.
Ба гуфтаи Вазорати молияи Тоҷикистон дар нимсолаи аввали соли равон нисбати буҷаи пешбинишуда 44,6 миллион доллар камтар пул ворид шудааст ва ҳаҷми буҷаи давлатӣ ҳудуди 950,5 миллион долларро ташкил додааст.
Дар замоне, ки ҷаҳон бо пандемияи коронавирус дасту панҷа нарм мекунад ва давлатҳо қисми зиёди буҷаи худро барои мубориза бо ин беморӣ сарф карда истодаанд, вазорати тандурустии Тоҷикистон наметовад пули дар нақша бударо пурра дастрас кунад. Вазорати молия аз камтар пур шудани буҷаи давлат дар нимсолаи аввал мегуяд, дар ҳоле ки муассиҳои молиявии ҷаҳонӣ барои пур намудани буҷети давлатии Тоҷикистон бештар аз 150 млн $ ихтисос додаанд. Ин рақам 3 баробар бештар аз он пуле аст, ки ба буҷаи Тоҷикистон ворид нашудааст. Аксари коршиносон суол матраҳ мекунанд, ки он ҳама кумакҳои башардӯстонаи муассиҳои байналмиллалии ҷудошуда барои мубориза бо пандемияи коронавирус ва дастгирии иқтисоди Тоҷикистон дар куҷо сарф шудааст?
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.