19.9 C
Dushanbe

Сафорат арзиши як билетро 24 ҳазор гуфт, аммо аз 35 то 70 фурӯхта мешавад

Тибқи хабарҳои муътамад арзиши билетҳои чартерии байни Русия ва Тоҷикистон аз 35 ҳазор рубли русӣ то 70 ҳазор фурӯхта мешавад, ки ин амал боиси саргардонӣ ва ташвиш дар байни муҳоҷирон гашааст.

Дар рӯзҳои ахир баъд аз эълони таърихи парвозҳои чартерӣ байни Русия ва Тоҷикистон муҳоҷирони зиёде барои баргаштан ба Ватан талош доранд, аммо барои аксари онҳо ин амр муяссарр намегрдад. Чун аз як тараф билетҳо аз нархи муқарраргардида гаронтар шудааст ва аз тарафи дигар муҳоҷирон вазифадоранд аввал дар рӯйхати сафорат худро номнавис кунанд, сипас билет бихаранд, ки ин боиси таҷаммӯи зиёди муҳоҷирон дар назди Сафорат шудааст.

Як манбаъ дар суҳбати телефонӣ ба “Аздо тв” гуфт, дар асл нархи як билет ба қавли сафири Тоҷикистон дар Русия  23-24 ҳазор рубли русӣ муайян шудааст, аммо ҳангоми муроҷиати муҳоҷирон нархи як билет 45-50, ҳатто 70 хазор рубл гуфта мешавад. Манбаъ гуфт: “Нархе, ки Сафорат муайян кардааст, яъне 23-24 ҳазор, бо ин нарх аслан билет ёфт намешавад, агар 70 ҳазор рубл диҳӣ дар ҳол билетат медиҳанду саворат мекунанд”.  

Як манбаи дигар ба мо дирӯз 07-уми июл аз фурудгоҳи Домодедов наворе фиристод, ки аз оворагии муҳоҷирон ҳангоми белитхерӣ ва ҷанҷолу кашмакашҳои кормандони Сафоратро нишон медиҳад. Манбаъ зимни ирсоли навор аз масъулини консулгарӣ ва ширкати ҳавопаймоии Тоҷикистон интиқод кард. Ба гуфтаи ӯ билетҳоро бо нархи хеле гарон он ҳам бо шинос мефурӯшанд.

Аксари муҳоҷирони меҳнатии дар Русиябуда дар ин чанд моҳи ахир бо сабаби интишори вируси ҳамагири COVID-19 кору даромади худро аз даст додаанд ва баъзе ҳам мӯҳлати асноди будубошаш ба охир расида мехоҳанд ҳарчи тезтар ба Ватан баргарданд. Аммо ба гуфтаи ин муҳоҷирон беназмӣ дар кори Саорат ва ширкатҳои ҳавопаймоӣ аксари онҳоро сардаргум намуда мушкилоташонро бештар кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.